बिशेष अनलाइन । नेपाल चलचित्र निर्देशक समाजको आयोजनामा जातीय विभेदविरुद्धको लघु चलचित्र निर्माण प्रतियोगितामा नेपाल चलचित्रकर्मी महासंघ प्रदेश १ का ६ लघु चलचित्र अन्तिम २० मा छनौट भएका छन् ।
अन्तिम २० मा पर्न सफल ६ लघु चलचित्र अन्तर्गत नेपाल चलचित्रकर्मी महासंघको प्रस्तुति तथा उपाध्यक्ष प्रकाश सुब्बाको निर्देशनमा निर्माण भएको “देउतालाई नचढने फुल“, नेपाल चलचित्रकर्मी महासंघ प्रदेश १ सदस्य तथा निर्देशक समाज प्रदेश १ का सचिव बिनोद पुडासैनीको निर्देशनमा निर्माण भएको “भगवान सबैको”, नेपाल चलचित्रकर्मी महासंघ प्रदेश १ सदस्य नगेन्द्र राई को निर्देशनमा निर्माण भएको “हि इज माइ गड”, रहेका छन् ।
यस्तै नेपाल चलचित्रकर्मी महासंघ प्रदेश १ का सदस्य तथा निर्देशक समाज प्रदेश १ का कोषाध्यक्ष राजु चौधरी को निर्देशनमा निर्माण भएको “आइ एम नट ह्युमन”, नेपाल चलचित्रकर्मी महासंघ प्रदेश १ कार्यसमिति सदस्य तथा मैथिली चलचित्रकर्मी संघ अध्यक्ष सन्तोष सरकारको निर्देशनमा निर्माण भएको “फु”,नेपाल चलचित्रकर्मी महासंघ प्रदेश १ का सदस्य केशव जीको लेखन तथा रोहित खनालको निर्देशनमा निर्माण भएको “चेत”, अन्तिम २० मा पर्न सफल लघु चलचित्रहरु हुन् ।
नेपाल चलचित्र निर्देशक समाजले कानुन,न्याय तथा संसदीय व्यवस्था मन्त्रालय र युनडीपीसँगको सहकार्यमा जातीय विभेदविरुद्ध लघु चलचित्र निर्माण प्रतियोगिता आयोजना गरेको थियो । निर्देशक समाजका महासचिव जनकदीप पराजुलीका अनुसार ६ सदस्यीय निर्णायक समूहले जातीय विभेद र उन्मुलनलाई कलात्मक शैलिमा प्रस्तुत गर्ने उद्देश्य सहित २० लघु चलचित्रलाई प्रारम्भिक चरणमा छनौट गरेको हो ।
निर्देशक समाज र युनडीपीले ३ मिनेट भित्रमा जातिय बिभेद समेटिएका कथा प्रस्तुत गर्नुपर्ने नियम सहित सूचना प्रकाशित गरिएको थियो । कानुन न्याय,तथा संसदीय व्यवस्था मन्त्रालयका सह सचिव फणिन्द्र गौतम, वरिष्ठ कलाकार नीर शाह, चलचित्र निर्देशक समाजका महासचिव जनकदीप पराजुली, कलाकार लक्ष्मी बर्देवा, ए टु जेड प्रोजेक्ट म्यानेजर वसन्त अधिकारी र युएनडीपीका प्रमुख सूचना अधिकृत कमलराज सिग्देल सम्मिलित निर्णायक मण्डलले प्राप्त लघु चलचित्रबाट उत्कृष्ट २० चलचित्र छनौट गरेका हुन् । चलचित्र निर्देशक समाजका महासचिव पराजुलीका अनुसार प्राप्त ५६ लघु चलचित्रहरुबाट उत्कृष्ट २० छनौट गरिएको हो ।
उत्कृष्ट २० मा छनौट हुन सफल अन्य लघु चलचित्रहरुमा वाशिष्ठ प्रधानको ‘दि बास्केट’, सुरेन्द्र प्रजापतिको ‘शून्य’, सुदन सिंह ठकुरीको ‘सेम’, सराना श्रेष्ठको ‘सामना’, बालकृष्ण बंशीको ‘पुमावाङगु म्हगास’, हाफटाइम क्रिएसनको ‘पीडा’, रनधीर श्रेष्ठको ‘परी’, राजेश श्रेष्ठको ‘नयाँ जुत्ता’, अतीन श्रेष्ठको ‘म स्वयं नेपाली’ साफुको ‘म म नै हुँ’ आशिष शर्मा पंगेनीको ‘क ख ग घ’,मेरियन राजभण्डारीको ‘गंगा’ प्रतीक सिंहको ‘ब्याटल अगेन्स्ट डिस्क्रिमिनेसन’, शर्मा क्रिएसनको ‘अछोप’,रहेका छन् ।
उत्कृष्ट २० मा पर्न सफल लघु चलचित्रहरुलाई अपलोड गरिएको मितिले दुइ हप्तासम्म दर्शकको अवलोकनका लागि सामाजिक सञ्जालमा राखिएको छ । चलचित्रले पाउने भ्युज तथा प्रतिक्रिया एवम् निर्णायकको निर्णयका आधारमा विजेता चलचित्रको घोषणा गरिने आयोजकले जानकारी दिएको छ । दर्शकले दिने प्रतिक्रियाको अंकभार ५० प्रतिशत राखिएको छ भने ५० प्रतिशत निर्णयमा निर्णायकको भुमिका रहने छ । प्रतियोगितामा पहिलो हुने लघु चलचित्रले नगद २ लाख रुपैँया, दोस्रो हुनेले १ लाख ५० हजार र तेस्रो हुनेले ५० हजार रुपैँया प्राप्त गर्ने आयोजकले जानकारी दिएको छ ।
Discussion about this post