बिशेष अनलाइन । कोरोना भाइरसको त्रास कम हुदै गएपछि बिस्तारै चलचित्र नगरी पनि चलमलाउन थालेको छ । ठुला ब्यानरमा निर्माण भएका केही चलचित्रहरुले पञ्दर्शन मिति समेत तय गर्न थालेका छन् । यसै बिच नेपाली चलचित्र ‘हिजो आजका कुरा’ पनि अब छिटै प्रदर्शनमा आउने निर्माण टिमले बताएको छ । ।
चलचित्रका निर्देशक साकार पन्तले आफूहरू चलचित्र रिलिज गर्न आतुर रहेको बताएका छन्। प्रदर्शनका लागि सम्पूर्ण तयारी सकेर प्रचार प्रसारलाई तीव्रता दिँदै गर्दा लकडाउनको सिकार भएको चलचित्र ‘हिजो आजका कुरा’ अब छिट्टै नै दर्शकमाझ आउने निर्देशक पन्तको भनाइ थियो ।
‘हामी चलचित्र रिलिजका लागि हल सञ्चालकतथा वितरकहरूसँग छलफल गरिरहेका छौ,’ निर्देशक पन्तले भने ,‘अहिले कोरोना सङ्क्रमण घट्दै गइरहेको र सरकारले हल खोल्न अनुमति दिइसकेका कारण हामी चलचित्र प्रदर्शनको तयारीमा लागेका छौ ।’ सबैसँगको छलफल पश्चात चलचित्र प्रदर्शन मिति तय गर्ने निर्देशक पन्तको योजना रहेको छ ।
पन्त फिल्म प्रोडक्सनको ब्यानरमा निर्माण भएको चलचित्रको कथा वरिष्ठ अभिनेता सन्तोष पन्तले लेखेका हुन् । चलचित्रमा सन्तोष पन्त, जयनन्द लामा,साकार पन्त, रमा थपलिया, केकी अधिकारी,ऋचा शर्मा,रिमा विश्वकर्मा,दिव्यदेव पन्त,जेविका कार्की, रमेश अधिकारी, विनय कुइँकेल,अनुष्का अधिकारी,नीराजनप्रसाद अर्याल,सबिन शाक्यलगायतका कलाकारको अभिनय देख्न सकिन्छ ।
रवि सायमीको छायांकन रहेको चलचित्रको पटकथा सन्दीप किस्नाले तयार गरेका हुन् । चलचित्रमा समावेश ‘माया जदौ’ लाई नेपाली दर्शकले निकै रुचाएका छन् । गित जस्तै चलचित्र पनि नेपाली दर्शकको मनमा बस्नेमा निर्माण युनिट ढुक्क देखिएको छ ।
Discussion about this post