बिशेष अनलाइन । चलचित्र ‘टुल्की’को फर्स्ट लुक पोष्टरका साथै टिजर सार्वजनिक गरिएको छ । चलचित्र बहुपति प्रथाको कथामा निर्माण गरिएको छ । चलचित्रमा हिमाली भेगमा बसोवास गर्ने नेपालीहरुको कथा प्रस्तुत गरिएको छ ।
देव जंग थापाको छायाँकन तथा निर्देशनमा बनेको चलचित्रको कथा लक्ष्मण सुनारले लेखेका हुन् । चलचित्रमा आरपि कर्माचार्य र शेखर लामाको लगानी छ । द पाल्म ग्रुप प्रालीको ब्यानरमा निर्माण भएको चलचित्र ‘टुल्की’मा शिशिर वाङदेल, स्वस्तिमा कार्की, नरेन्द्र तामाङ, सोम लामा, शेखर लामा, सौजन सुब्बा, सोफिया लिम्बु, दीर्घ लामा, भक्तसिंह कठायत लगायतको अभिनय छ ।
ब्राम्हण समुदायमा जन्मेकी युवतीको शेर्पासँगको माया प्रेम र विवाह पछि शेर्पा समुदायको संस्कार नबुझेर भोग्नुपरेको कथालाई चलचित्रमा प्रस्तुत गरिएको छ । चलचित्रमा ९० लाख भन्दा माथि लगानी भएको निर्माता शेखर लामाले जानकारी दिए । । यो चलचित्र नेपालमा भन्दा पहिले विभिन्न देशमा प्रदर्शन गरिने निर्माण टिमले जनाएको छ । साथै, अन्तराष्ट्रिय चलचित्र महोत्सवमा समेत भाग लिने सोँचका साथ चलचित्र निर्माण गरिएको बताईएको छ ।
चलचित्रमा सन्जिव लिम्बुको संगीत रहेको छ भने चलचित्रको सम्पादन तारा थापा ‘किम्भे’ले गरेका हुन् । नेपालमा चलचित्र कहिलेबाट प्रदर्शन गर्ने भन्ने अहिले नै यकिन नभएको निर्माण युनिटले जानकारी दिएको छ ।
Discussion about this post