बिशेष अनलाइन । एक्सन जनरामा निर्माण हुन लागेको चलचित्र ‘एक्स ९’मा अभिनेता पुष्प खड्का अनुबन्धित भएका छन् । नेपालकै पहिलो ठूलो क्यानभासमा बन्ने भनिएको चलचित्र ‘एक्स ९’मा यस अघि नै अभिनेता अनमोल केसी, सौगात मल्ल र राज कटुवालले लिखित सम्झौता गरिसकेका छन् । यसअघि ‘लप्पन छप्पन’ निर्देशन गरेर चर्चामा आएका निर्देशक मुकुन्द भट्टले निर्देशन गर्न लागेको चलचित्रमा अभिनेता पुष्पको भुमिकाका बिषयमा भने खुलाइएको छैन।
यस चलचित्रमा अभिनेता अनमोल केसीलाई ७५ लाख रुपैया पारिश्रमिक दिइएको बताइए पनि अन्य कलाकारहरुको पारिश्रमिक खुलाइएको छैन । पुष्पले पनि चलचित्रमा सम्झौता गरेसँगै पहिलो पटक नेपाली दर्शकले अनमोल,पुष्प र सौगातलाई एउटै पर्दामा हेर्न पाउने भएका छन् । नेपालसँगै यूरोप र क्यानडामा छायांकन गर्ने तयारी रहेको चलचित्र ‘एक्स ९’ मा बलिउड अभिनेता सुनिल सेट्टीलाई समेत अफर गरिएको थियो । तर अभिनेता सेट्टीले महंगो पारिश्रमिक माग गरेपछि उनको स्थानमा बलिउडकै अर्का स्टार अभिनेता सोनु सुदलाई अफर गरेको बताइएको छ ।
चलचित्रमा अभिनेत्रीका बिषयमा भने गोप्य राखिएको छ । कोरोना भाइरसले थलिएको चलचित्र नगरीमा यो बिग प्रोजेक्टले नेपाली चलचित्र बजारलाई सकारात्मक उर्जा प्रदान गर्ने अपेक्षा गरिएको छ । गोल्डेन हिल्स पिक्चरको प्रस्तुतीमा निर्माण हुन लागेको चलचित्रका कार्यकारी निर्माता दिनेश भट्ट हुन् । चलचित्रको कथा मुकुन्द भट्ट र किंङ योगीले तयार पारेका हुन्। राजिव तामाङ, विरेन कुँवर, सुबोध भट्ट र सोनु खत्री चलचित्रका निर्माता हुन् ।
Discussion about this post