बिशेष अनलाइन । कोरोना भाइरसले थलिएको चलचित्र बजारको भविश्य अन्धकार देखिएको छ । चलचित्र नगरी अब कसरी अगाडी बढ्छ यसै भन्न सकिने अवस्था छैन । यसै बिच पछिल्लो समयका केही सरकारी निर्णयले भने नेपमली चलचित्र नगरीलाई थोरै भए पनि राहत मिलेको छ ।
सबै चलचित्रकर्मीहरुलाई खोप उपलब्ध गराउने बताएको सरकारले १० वटा नेपाली चलचित्र निर्माणमा लगानी गर्ने भएको छ । मौलिक तथा कलात्मक चलचित्र निर्माणमा प्रोत्साहित गर्ने उद्देश्यले सरकारले चलचित्रमा सहनिर्माताको रुपमा लगानी गर्ने भएको हो । सरकारको लगानी रहने भनिएका चलचित्रहरुमा पाँच फिचर र पाँच छोटो चलचित्र रहने छन् ।
चलचित्र विकास बोर्डले सार्वजनिक सूचना प्रकाशन गर्दै सरकारले १० वटा नेपाली चलचित्र निर्माणमा लगानी गर्ने विषयमा जानकारी दिएको हो । सूचनामा बोर्डमा आर्थिक वर्ष ०७८ ०७९ देखि दश फिल्ममा सह–लगानी गर्ने भनिएको छ ।
यसअघि तीन फिचर र तीन छोटो चलचित्रमा मात्र सरकारले लगानी गर्दै आएको थियो । तर, यो आर्थिक वर्षबाट भने उक्त कार्यविधिलाई संशोधन गर्दै बोर्डले साउनदेखि नै लागू हुने गरी चलचित्र निर्माणको संख्या बढाएको हो ।
सरकारले लगानी गर्ने भनिए पनि कस्तो चलचित्रमा कतिसम्म लगानी गर्ने भन्ने विषयमा भने निर्णय हुन बाकी रहेको बोर्डले जानकारी दिएको छ ।
Discussion about this post