बिशेष अनलाइन – पछिल्लो समय कोभिड बिरुद्धको भ्याक्सिन लगाउने क्रम तिव्र रुपमा बढेको छ । फ्रन्ट लाईनमा कार्य गर्ने साथै ६० बर्ष भन्दा माथीका धेरैले दोश्रो चरणको भ्याक्सिन समेत लगाई सकेका छन ।
तर चलचित्रकर्मिहरुलाई राज्यले अहिलेसम्म पहिलो चरणको भ्याक्सिन समेत उपलब्ध गराएको छैन । हुनत चलचित्र बिकासबोर्डका अध्यक्ष दयाराम दाहालले चलचित्रकर्मीका लागि खोप उपलब्ध गराउन माग गर्दै पत्र पठाएका थिए । पत्रको जवाफ सकारात्मक आएको भनिए पनि हालसम्म कुनै निर्णय भएको छैन । केन्द्रिय स्तरमानै चलचित्रकर्मीलाई खोपको टुंगो लाग्न सकेको छैन । 
यसै बिच प्रदेश १ का कलाकर्मीहरुलाइ खोपको ब्यबस्था गर्न माग गर्दै प्रदेश १ सरकारको ध्यानाकर्षण गरिएको छ । कलाकार हिमाल दहालको संयोजकत्वमा नेपाल चलचित्रकर्मी महासंघ प्रदेश १ का अध्यक्ष अरुण प्रधान , महासचिव दिनेश कोईराला , महासंघका उपाध्यक्ष तथा प्राविधिक संघ प्रदेश १ का अध्यक्ष प्रकाश सुब्बा लगायतको टोलिले प्रदेश १ सरकारसमक्ष खोप उपलब्ध गराउन माग गरेका हुन् ।
कोरोनाका कारण जारी लकडाउनको समयमा अप्ठ्यारोमा परेका कलाकार तथा पत्रकारहरुका निम्ति निरन्तर सहयोगमा रहेको बताउदै महासंघका अध्यक्ष अरुण प्रधानले बिपतको समयमा कलाकर्मी अग्रपंक्तिमा रहेर सेवामा जुटिरका कारण त्यस्ता कलाकर्मीहरुका लागि खोप अपरिहार्य भएको तर सरकारले व्यवास्था गरेका कारण ध्यानाकर्षण पत्र बुझाइएको बताएका छन् ।
आफुहरुले बुझाएको ध्यानाकर्षण पत्र बुझ्दै सरकारले सकारात्मक प्रतिक्रिया दिएका कारण छिटै चलचित्रकर्मीहरुका लागि खोप उपलब्ध हुनेमा आसावादी रहेको कलाकार हिमाल दाहलले बताएका छन् । 
महासंघका उपाध्यक्ष प्रकश सुब्बाले पहिलो लहरको समयमा २२ जनकलाकर्मीहरुको कोभिड ईन्सुरेन्स गरिएको स्मरण गर्दै कोरोनाको दोश्रो लहरमा पनि हातेमालो अभियान संचालन गरि बिभिन्न चलचित्रकर्मीहरुलाई खाद्यान्न , खाना पकाउने ग्यास, स्वस्थ्य समाग्री, अक्सिजन उपलब्ध गराएको बताए ।
हातेमालो अभियान अन्तर्गत १५० भन्दा बढि चलचित्रकर्मिहरुलाई सहयोग गरिएको सुब्बाको भनाई थियो । हातेमालो अभियानमा महासंघले चलचित्र पत्रकार संघ, प्रदेश १, सुनसरी शाखा, डिथ्री अनलाईन, बिषेश अनलाईन , होप धरान, ईनास युके , प्रतिभा नक्षत्र युके लगायत विभिन्न संघ संस्थाहरुसग सहकार्य गर्दै आएको छ ।
Discussion about this post