ब्रेकअपपछि सौगात र सृष्टि चलचित्र ‘विनोद’ मा एकसाथ देखिदै

विशेष अनलाइन । अभिनेता सौगात मल्ल र अभिनेत्री सृष्टि श्रेष्ठले ब्रेकअपपछि पनि निरन्तर चलचित्रमा सहकार्य गर्दै आइरहेका छन् । चलचित्र ‘भाइरल गोर्खे’ एकसाथ काम गरेका सौगात र सृष्टि अर्को चलचित्र ‘विनोद’ मा एकसाथ देखिने भएका छन् ।

सौगातको अभिनय रहने जानकारी दिँदै यो चलचित्रको ‘एआई जेनेरेटड’ पोस्टर सार्वजनिक गरिएको थियो । यो चलचित्रको पोस्टर सृष्टिले पनि आफ्नो सामाजिक सञ्जालमा सेयर गरेकी छन् ।

आगामी मंसिरबाट छायांकन सुरु हुने यो चलचित्रमा प्रकाश घिमिरे, प्रवीण खतिवडा, दिव्य देव लगायका कलाकारहरुको अभिनय रहनेछ ।

चलचित्र सन् २०२५ मा रिलिज हुने बताइएको छ । अहिले ‘पीताम्बर’ को छायाङ्कनमा व्यस्त रहेका सौगातले ‘विनोद’ अगाडि ‘बलिदान’ र ‘कल्ली’ को छायाङ्कन सकाउने छन् ।