विशेष अनलाइन । मिलन चाम्स निर्देशित चलचित्र ‘वर एण्ड वधु’को ट्रेलर सार्वजनिक भएको छ । शुक्रबार आयोजित समारोहमा लभ, रोमान्स, धोका, कमेडी र एक्सनले भरिपूर्ण भएको चलचित्रको ट्रेलर सार्वजनिक गरिएको हो । आँचल शर्मा र विवेक कर्माचार्य बिचको प्रेमकथा, धोका, र सङ्घर्षलाइ ट्रेलरमा देखाइएको छ ।
भदौ १४ गतेदेखि प्रदर्शन तयारीमा रहेको चलचित्रमा आँचल र विवेक सहित , गरिमा शर्मा, विजु पार्की, किरण केसी, सरिता लामिछाने, कुसुम शर्मा, सृष्टि खड्का, हिमेश पन्त, दिनेश काफ्ले, यमन श्रेष्ठ, रविन्द्र खड्का, अंशु महर्जन र सिता न्यौपाने लगायत कलाकारहरुको अभिनय रहेको छ ।
चलचित्रमा मिलन श्रेष्ठको सम्पादन, साहिल खानको ट्रेलर, हिमाल केसीको एक्सन, प्रदीप भारद्धाजको पटकथा, रविन्द्र न्यौपाने र अनिस स्याङ्देनको कोरियोग्राफी, सन्तोष लामाको कला निर्देशन, अर्जुन पोखरेलको संगीत रहेको छ ।
सुदीप बरालको छायांकन रहेको चलचित्रमा जानुका थापाको लगानी रहेको छ । चलचित्रको कार्यकारी निर्माता अमित रिजाल रहेका छन् । चलचित्रलाई एलआरके प्रोडक्सनको प्रस्तुतिमा तयार पारिएको हो।
Discussion about this post