विशेष अनलाइन । साजन काफ्ले र आकाश बरालको लेखन तथा निर्देशनमा बनेको चलचित्र ‘बेहुली फ्रम मेघौली’ले ‘छड्के सलाम’बोलको गीत सार्वजनिक गरेको छ । यस अगाडि सार्वजनिक भएका ‘बिहे गर्ने कि नगर्ने?’ र ‘उडायो मन’ गीतले चर्चा पाइरहेको समय शुक्रबार एक कार्यक्रम गर्दै तेस्रो गीत सार्वजनिक गरेको हो । आगामी असोज १७ गते अर्थात् घटस्थापना दिनदेखि प्रदर्शनमा आउने तयारिमा रहेको छ ।
चलचित्रको गीतमा जयन जे वाइबाको शब्द तथा संगीत रहेको छ । कालीप्रसाद बाँस्कोटा, निश्चल बस्नेत र बबिना किराँतीको स्वर रहेको गीतमा प्रदीप लामा र रेविका खत्रीले कोरियोग्राफी गरेका छन् । गीतमा निश्चल र स्वस्तिमासहितका कलाकारहरुको अभिनय रहेको छ ।
विवाह संस्कृतिको कथामा बनेको चलचित्रले ३० वर्ष लागेपछि विशेषगरी युवतीहरुलाई विवाहका लागि परिवार र समाजबाट आउने दबाबलाई रोचक शैलीमा देखाउन खोजिएको निर्माण पक्षको भनाइ छ ।
चलचित्रको गीतमा जयन जे वाइबाको शब्द तथा संगीत रहेको छ । कालीप्रसाद बाँस्कोटा, निश्चल बस्नेत र बबिना किराँतीको स्वर रहेको गीतमा प्रदीप लामा र रेविका खत्रीले कोरियोग्राफी गरेका छन् । गीतमा निश्चल र स्वस्तिमासहितका कलाकारहरुको अभिनय रहेको छ ।
चलचित्रमा स्वस्तिमा र निश्चल सहित विजय बराल, टीका पहारी, बसुन्धरा भुसाल, लोकेन्द्र लेखक, सिम्रन खड्का, सिरु विष्ट, अमीर गौतम, लुनिभा तुलाधर, मुकुन्द मैनाली, रामबाबु रेग्मी लगायत कलाकारहरुको अभिनय रहेछ ।
निश्चल र स्वस्तिमा जोडि निर्माता रहेको चलचित्रको कार्यकारी निर्मातामा शंकर पाण्डे र फिरोज खड्का रहेका छन् । चलचित्रमा नरेन्द्र मैनालीको डीओपी, निमेष श्रेष्ठको सम्पादन, प्रदीप लामा, केवीका खत्री र शेखर घर्ती मगरको कोरियोग्राफी एवं जयन जे वाइबा र कुशल पोखरेलको संगीत रहेको छ ।
Discussion about this post