बिशेष अनलाइन । नेपाल डीभीएम डान्सिङ एण्ड सिङ्गिङ स्टार प्रतियोगिताअन्तर्गत नृत्य तथा गायन विधामा क्रमशः इशा लिम्बु र प्राप्ति पोख्रेल विजेता भएका छन् ।
नेपाल दयानन्द वैदिक मिसन ग्लोबल एकेडेमीले गरेको उक्त कार्यक्रममा नृत्यतर्फ विभुति कट्वाल दोस्रो र सुम्निमा लिम्बु तेस्रो भएका छन् भने गायनतर्फ शिक्षा पोख्रेल दोस्रो र आयुष्का रेग्मी तेस्रो भएकी छिन् ।
विद्यार्थीहरुको चौतर्फी विकासका लागि कार्यक्रम आयोजना गरिएको प्राचार्य डा. बेणुप्रसाद सिटौलाले बताएका छन् । विद्यालयले नृत्य र गायनबाहेक पाक शिक्षा, योग शिक्षा, शारीरिक स्फुर्तिका लागि तालिम तथा प्रतियोगिताहरु गर्दै आएको विद्यालयका सह–प्राचार्य नारायण सुबेदीले जानकारी दिएका छन् ।
वैदिक दर्शन र पुर्वीय मूल्य, मान्यतालाई आत्मसाथ गरेको विद्यालयमा सनातन देखि चली आएका संस्कार संस्कृतीहरु लाई बालबालिकासम्म पुर्याउने काम गरिँदै आएको प्रबन्ध संचालक राजेश खनालले जानकारी दिएका छन् ।
बङ्गलादेशमा ग्लोबल चेन्ज मेकर्सको उपाधि सहित पुरुष्कृत भएका विद्यालयका प्राचार्य डा. बेणुप्रसाद सिटौलालाई कार्यक्रममा सम्मानसमेत गरिएको थियो । कार्यक्रम विद्यालयका संचालक समिति अध्यक्ष ध्रुव कुमार सुब्बाको सभापतित्वमा गरिएको थियो ।
Discussion about this post