भ्वाइस बिजेता किरणलाई मुख्यमन्त्री राईको भव्य स्वागत

२९ साउन (ईटहरी) : भ्वाइस अफ नेपाल तेस्रो संस्कारण बिजेता किरण गजमेर यतिबेला आफ्नो जन्मथलो झापा आईपुगेका छन् । पुर्व आफ्नो जन्मथलोमा रहेका भुटानी शरणार्थीहरुलाई सहयोग तथा तय भएको बधाई ज्ञापन कार्यक्रममा सहभागी हुनका लागि गजमेर आएका हुन् । उनले प्रदेश १ मा पहिलो स्वागत मुख्यमन्त्री शेरधन राईबाट पाएका छन् । बिराटनगरस्थित मुख्यमन्त्रीको कार्यालयमै एक कार्यक्रम गरि गजमेरलाई मुख्यमन्त्री राईले स्वागत सम्मान गरेका थिए । उनले प्रदेश १ मा मात्रै पाईने रुद्राक्षको माला लगाईदिदै स्वागत गरेका थिए ।

 

 

राईले गजमेरलाई बधाई तथा शुभकामना दिदै आगामी दिनमा एक औपचारिक कार्यक्रम गरि विशेष सम्मान गर्ने प्रतिबद्धता गरेका छन् । बिहिवार तय भएका विभिन्न कार्यक्रमका लागि पुर्व आएका उनले पथरीमा रहेका अशक्त र बृद्धबृद्धा शरणार्थीहरुलाई जनही ५ हजारका दरले भत्ता समेत दिएका थिए । यो क्रम हरेक महिना रहदै आजिवन भत्ता उपलब्ध गराउने इन्ट्रा नेशनल वेलफेयर फाउण्डेशन अफ अमेरिकाका रुद्र बानियाँले जानकारी गराए । त्यस्तै बेलडाँगीमा रहेको भुटानी शरणार्थी शिविरमा पनि किरणको लागि स्वागत कार्यक्रमको आयोजना गरिएको थियो ।

 

रातको समयमा त्यहाँ पुग्दा गजमेरलाई हेर्न भनी सयौ झापालीहरु कोरोना र निषेधाज्ञाको प्रवाह नगरी प्रतीक्षामा देखिन्थे । किरणले सो ठाउबाट अर्को एउटा एम्बुलेन्स पनि सहयोग गर्ने घोषणा गरेका छन । अब उनले इन्ट्रा नेशनल वेलफेयर फाउण्डेशन अफ अमेरिकाको सहकार्यमा पश्चिममा १ र पुर्व पथरी र झापामा गरी २ एम्बुलेन्स प्रदान गर्ने छन् । त्यस्तै त्यहाका बृद्धबृद्धालाई पनि जनही ५ हजारका दरले भत्ता वितरण गरिएको छ । उक्त स्वागत कार्यक्रममा अभिनेताद्वय दिलिप रायमाझी र रमित ढुंगानाको पनि उपस्थिति रहेको थियो । खुदुनाबारी, झापामा तय गरिएको बधाई ज्ञापन गर्ने कार्यक्रम भने समय अभावले आज शुक्रबार गरिएको छ ।