नायिका प्रियंका चोपडाका श्रीमान् तथा हलिउड स्टार निक जोनस हालै सिंगिङ रियालिटी शो ‘द भोइस’ को सुटिङका बेला घाइते भएका थिए । यसका कारण उनलाई अस्पताल भर्ना गरिएको थियो । अब निक जोनसले आफ्नो स्वास्थ्यबारे जानकारी दिएका छन् । उनले अब आफू पूर्ण रुपमा निको भएको र अस्पतालबाट डिस्चार्ज भएर घर फर्किसकेको बताए । यस्तै, निकले पुनः शोको सुटिङ गर्न सुरु गरिदिएका छन् ।
बाइकबाट खस्दा करङको हड्डी थोरै चर्कियो :
कार्यक्रमको लाइभ एपिसोडका बेला निकले यो घटनाबारे खुलेर कुरा गरेका छन् । उनले भने, ‘म अब पूर्ण रुपमा ठिक महसुस गरिरहेको छु । बाइकबाट लडेका कारण मेरो करङको हड्डी थोरै चर्किएको थियो । यसबाहेक मलाई अरु चोट पनि लागेको थियो । म यति भन्न चाहन्छु कि म शारीरिक रुपमा त्यति उत्साहित महसुस गरिरहेको छैन, जति पनि साधारणतया गर्ने गर्छु ।’
हास्दा करङको चोटमा दुख्छ
आफ्नो स्वास्थ्यबारे जानकरी दिएपछि सह–निर्णायक ब्लेक शेल्टनले उनको करङमा लागेको चोट दुख्ने भएकोले धेरै नहसाउन भनेका छन् । यसबारे ब्लेकले ठट्टा गर्दै भन्छन्, ‘तपाईं यो शोका बेला सहानुभूति प्राप्त गर्ने कोसिस गरिरहनुभएको छ । ’
निकले शोमा फिर्ता हुँदै सेटबाट आफ्नो एउटा भिडियो पनि सोसल मिडियामा सेयर गरेका छन् । यो भिडियोमा उनका प्रशंसकले निकै प्रतिक्रिया दिइरहेका छन् । एक प्रयोगकर्ताले कमेन्ट गर्दै लेखेका छन्, ‘तपाईंलाई ठिक देखेर धेरै नै खुसी लागिरहेको छ ।’
Discussion about this post