विशेष अनलाइन । कर्मविर मल्टिपर्पोज इनभेष्टमेन्ट प्रा. लि. को ब्यानरमा निर्माण हुन लागेको नयाँ नेपाली कथानक चलचित्र ‘सुस्केरा’ नेपाली चलचित्र विकास बोर्डमा विधिवत दर्ता गरिएको छ । चलचित्र विकास बोर्डबाट २०८२ साल साउन ६ गते आधिकारिक चलचित्र निर्माण इजाजत पत्र प्राप्त भएको हो ।
दर्ता प्रक्रियामा चलचित्र विकास बोर्डका अध्यक्ष दिनेश डीसी, निर्माता डा. ओमकृष्ण प्रसाईं र लेखक/निर्देशक शंकर अधिकारी घायल उपस्थित रहेका थिए ।
नेपाली समाजको यथार्थलाई उजागर गर्ने उद्देश्यले निर्माण गरिएको चलचित्रमा ममता रायमाझीको विशेष प्रस्तुति रहने छ भने निर्माण डा. ओमकृष्ण प्रसाइँले गर्नेछन् । चलचित्रको लेखन र निर्देशन शंकर अधिकारी ‘घायल’ स्वयंले गर्नेछन् ।
चलचित्रमा शर्मिला शर्मा, दिनेश कोइराला, नेहा देव, डा. ओमकृष्ण प्रसाइँ साथै बालकलाकार शुभम अधिकारी,हार्दिक पौडेल र नायरा प्रसाइ लगायतको सशक्त अभिनय रहनेछ । अन्य कलाकारहरू पनि छनोट भैरहेको निर्देशक अधिकारीले जानकारी दिएका छन् ।
चलचित्रमा गीतकार शंकर अधिकारी घायल र डा. ओमकृष्ण प्रसाईं, संगीत शंकर अधिकारी घायल र स्वर नित्याशिवाको रहने छ ।
चलचित्रको छायांकन कुमार मानन्धरले गर्नेछन् । चलचित्रमा कोरियोग्राफी राजन महर्जन, मेकअप मदन न्यौपानेको रहने छ भने सम्पादनमा राजेश कुमार रहनेछन् । चलचित्रको छायांकन भदौको दोस्रो हप्ताबाट सुरु हुने छ ।काठमाण्डौ उपत्यका र आसपासका क्षेत्रहरूमा शुरू हुने बताइएको छ ।
Discussion about this post