विशेष अनलाइन । दीपेन्द्र के खनाल निर्देशित चलचित्र ‘हरिबहादुरको जुत्ता’को ‘बेला बितेसी’ बोलको पहिलो गीत युट्युबमा सार्वजनिक भएको छ । प्रकाश सपुत र समीक्षा अधिकारीको स्वरमा रहेको सार्वजानिक गीतमा सपुतको शब्द तथा संगीत रहेको छ । गीतमाको मिक्सिङ र मास्टरिङ श्यामश्वेत रसाइली गरेका हुन् ।
दशैंको फूलपातीमा प्रदर्शन गर्ने तयारीमा रहेको चलचित्रको गितमा गायक तथा सर्जक सपुतले गीतमार्फत मौलिकपनको आभाष गराएका छन् । मौसम हिमालीको नृत्य निर्देशन रहेको गीतमा सपुत र स्वस्तिमा खड्का फिचर्ड छन् ।भिडियोलाई पवन सुस्लिङ्गले खिचेका हुन् ।
एसएम मोसन पिक्चर्सको ब्यानरमा निर्माण भएको चलचित्रमा हरिवंश आचार्य, प्रियंका कार्की, हरिहर शर्मा, दिव्यदेव पन्त, किरण केसी, राजाराम पौडेल, दिनेश काफ्ले, सीता न्यौपाने, कमलमणि नेपाल लगायत कलाकरहरुको अभिनय रहेको छ ।
चलचित्रलाई सरोज ओली र मोहितवंश आचार्यले निर्माण गरेका छन् । कृष्णबहादुर थापाले छायाङ्कन गरेकोचलचित्रल्लाई नहकुल खड्काले सम्पादन गरेका छन् ।
चलचित्रमा वसन्त सापकोटा, दीपक शर्मा र प्रकाश सपुतको संगीत रहेको छ । चलचित्रमाआशिष अविरल, समिक्षा अधिकारी, मोहितवंश आचार्य, समिर खरेल र सज्जा चौलागाईंको स्वर सुन्न सकिन्छ । चलचित्र दशैँको फूलपाती अवसरमा असोज १३ देखि नेपाल र अन्तर्राष्ट्रिय बजारमा प्रदर्शनमा आउँदैछ ।
Discussion about this post