विशेष अनलाइन । बहुप्रतिक्षित नेपाली चलचित्र ‘अभिमन्यु : च्याप्टर–१’ को नयाँ गीत ‘लड्की गोरी’ सार्वजनिक भएको छ। भोजपुरी लयमा तयार भए पनि नेपाली भाषामा बनेको यो गीतमा शब्द, संगीत र स्वर प्रशान्त शिवाकोटी र प्रेरणा सिंहले दिएका छन्। विषम आचार्यको संगीत संयोजन रहेको गीतमा जुना सुन्दासको आकर्षक आइटम डान्स देख्न सकिन्छ भने कोरियोग्राफी रोहन विश्वकर्माले गरेका छन्।
गीतको नृत्य शैली र प्रस्तुतिमा भोजपुरी सांगीतिक सौन्दर्य झल्किए पनि कथावस्तु तराईको पृष्ठभूमिमा रहेकाले यस शैलीको चयन गरिएको बताइएको छ। भिडियोमा युवायुवतीबीचको पारस्परिक आकर्षण र रोमान्स प्रस्तुत गरिएको छ।
चलचित्र नेपाली भाषामा भदौ २७ गते रिलिज हुनेछ भने हिन्दी संस्करण असोज ६ (सेप्टेम्बर २२) मा विश्वव्यापी प्रदर्शन हुनेछ। निर्माता विनोद पौडेलका अनुसार हिन्दी भर्सनलाई पनि वर्ल्डवाइड रिलिजको तयारी गरिएको छ।
चलचित्रले पैसाको प्रलोभनमा परेर चक्रव्यूहमा फस्ने र त्यहाँबाट निस्कने संघर्षको कथा भन्नेछ। चलचित्र ‘अभिमन्यु : च्याप्टर–१’ लाई सुशान्त गौतमले निर्देशन गरेका छन् । यो उनको डेब्यु निर्देशन हो । मुकेश खनालको लेखन रहेको चलचित्रको क्रिएटिभ निर्देशक मदन थापा हुन् ।
चलचित्रमा कामेश्वर चौरासिया, सरिता गिरी, गौमाया गुरुङ, लक्ष्मी बर्देबा, शिशिर वाङ्देल, किरण श्रेष्ठ, प्रकाश दाहाल र सुष्मा निरौलालगायत कलाकारको अभिनय छ। सेभेन सिज सिनेमाको प्रस्तुति रहेको यस चलचित्रका निर्माता विनोद पौडेल र गुञ्जन गिरी हुन्। सह–निर्मातामा रमेश चौलागाई र हरि श्रेष्ठ छन् भने कार्यकारी निर्मातामा विशाल लामा, हरि मोक्तान, कृष्ण भट्टराई, नीराजन लुइँटेल र सन्देश श्रेष्ठ रहेका छन्।
चलचित्रको छायांकन शरद महतोले गरेका हुन्। मदन घिमिरेले सम्पादन , सुप्रिम पराजुलीले रंग संयोजन , मनोज श्रेष्ठले भिएफएक्स र जीवन शाक्यले लाइन प्रोडक्सन सम्हालेका छन्।
Discussion about this post