विशेष अनलाइन । साउन २३ गतेबाट प्रदर्शनमा आउन लागेको नेपाली चलचित्र ‘सिटामोल’ को नयाँ गीत ‘रातो पछ्यौरी’ सार्वजनिक गरिएको छ। गितमा अञ्जना खतिवडा र रवि ओड को सुमधुर स्वर रहेको छ ।
राजबहादुर साने निर्देशित चलचित्रको गीतमा बाबुल गिरीको शब्द, संगीत तथा संयोजन रहेको छ। गीतले नेपाली मौलिकता झल्काउने र चलचित्रको कथा भावलाई थप सशक्त बनाउने प्रयास गरेको छ।
चलचित्रमा सौगात मल्ल, बेनिशा हमाल, श्रीकृष्ण निरौला, जानुका विश्वकर्मा, लोकेन्द्र लेखक, भूगोल कार्की, हिउँवाला गौतम, सुशील पोखरेल, दिनेश रेग्मी, आरआर खड्का, ज्ञानु मल्ल, पवन भट्टराई, काजल भुजेल र बालकलाकार करण नेपाली, आराध्या राज्यलक्ष्मी डीसी लगायत क्लाकारहरुको अभिनय रहेको छ। श्रीकृष्ण र जानुकाले यही चलचित्रबाट नेपाली रजतपटमा डेब्यु गरेका हुन्।
जुनतारा फिल्म्स कम्पनी सह–निर्माताको रूपमा छ। सिमोस सुनुवारको प्रस्तुति रहेको चलचित्रमा भूगोल कुमार कार्की र विकाश राज जोशी निर्माता रहेका छन् । चलचित्रको कार्यकारी निर्माता अप्सरा नेपाली, अजय मल्ल, कुमार केसी हुन् ,भने सहनिर्माता गंगाराम श्रेष्ठ हुन्। चलचित्रको पटकथा प्रदीप भट्टअरै र राजबहादुर साने ले मिलेर लेखेका हुन्।‘सिटामोल’ लाई तुल्सीदेवी फिल्म प्रालि ले निर्माण गरेको हो ।
Discussion about this post