विशेष अनलाइन । चलचित्र ‘जनै हराएको मान्छे’ को एक प्रमोसनल गीत ‘आधा आधी सपनाहरू भइदिएन पुरा’ मा अभिनय गर्दै गर्दा मंगलबार राति बुढानीलकण्ठस्थित एक बैंक्वेटमा उनी बेहोस भएका हुन्। निर्माता विमल न्यौपानेका अनुसार, उनी गीत गाइरहेको बेला अचानक ढलेपछि सेटमा रहेका चिकित्सकलाई तुरुन्तै बोलाएर प्राथमिक उपचार गरिएको थियो।
“प्रेसर लो भएको कारण उहाँ एकछिन बेहोस हुनुभयो। तुरुन्तै औषधोपचार गरियो र केही समयपछि सामान्य अवस्थामा फर्किनुभयो,” निर्माता न्यौपानेले जानकारी दिए। उनी बिहानैदेखि खाली पेटमा सेटमा उपस्थित भएकाले यस्तो अवस्था आएको हुन सक्ने अनुमान गरिएको छ। होस फर्किएपछि गौतमले पुनः छायाङ्कनमा भाग लिएका थिए।
हरितालिका तीजको अवसर पारेर भदौ ६ गते प्रदर्शनमा आउने तयारीमा रहेको ‘जनै हराएको मान्छे’ मा विजय बराल, केकी अधिकारी, मिरुना मगर, गौरव पहाडी, सुशांक मैनाली, भोलाराज सापकोटा, आरुस भुसाल, भावना खपांगी मगर, रियर राई, रुपेश लामा र सुमन थापा लगायत कलाकारको अभिनय रहेको छ।
हिमाल न्यौपानेको निर्देशन रहेको यस चलचित्रलाई पेपरक्लिप ब्यानर अन्तर्गत निर्माण गरिएको हो। निर्माताहरूमा कमल न्यौपाने र विमल न्यौपाने रहेका छन् भने कार्यकारी निर्माताको रूपमा नारायण तिमल्सेना, चूडामणि शिवाकोटी, आरके मानन्धर, सीआर बस्नेत, फिलिप डिसी र जेम्स महाराजन संलग्न छन्।चलचित्रमा नवीन गुरुङको डीओपी, कृष्ण परियारको सिनेमेटोग्राफी र भानुभक्त ढकालको लेखन रहेको छ।
Discussion about this post