विशेष अनलाइन । भिम लामा फिल्म्सको प्रस्तुति रहेको नयाँ नेपाली चलचित्र ‘लडाईन पहिचानको’ यही आउँदो मंसीर ५ गते, २०८२ (२१ नोभेम्बर २०२५) मा देशव्यापी रूपमा प्रदर्शनमा आउने भएको छ। हालै सार्वजनिक गरिएको चलचित्रको अफिसियल पोस्टरमा दुई फरक पहिचान, संस्कृति र प्रेमलाई प्रतिनिधित्व गर्ने दृश्य प्रस्तुत गरिएको छ, जसले चलचित्रको कथावस्तु सामाजिक र सांस्कृतिक संघर्षमा आधारित रहेको संकेत गर्छ।
चलचित्र भिम लामाको लेखन तथा निर्देशनमा तयार गरिएको हो भने यसको निर्माता टोलीमा भिम लामा, रामजी बिस्ट, दिलु सुब्बा र उमेश तामाङ रहेका छन्।
चलचित्रमा प्रसान्त तामाङ, धिरेन शाक्य, करिष्मा मानन्धर, राजेन्द्र खड्गी, सुरबिर पण्डित, जेनी घिसिङ, प्रेम सुब्बा, पर्शुराम चौधरी, रामजी बिष्ट,अरुण कुमार प्रधान, सुबास तामाङ, रोसन शर्मा, शर्मिला राई, किशोर सम्बाहाम्फे, दिनेश कोइराला, छिरिङ शेर्पा, डम्बर कुमारी लिम्बू ,पबि तेम्बे , सुदिप लिम्बू, अम्बिका ढकाल कविता राई लगायतका कलाकारहरुको अभिनय रहेको छ ।
पोस्टरमा उल्लेख भएअनुसार चलचित्रको स्क्रिनप्ले भिम लामा, सरोज केशी र रमेश बिशुङ्खेले तयार पारेका हुन्। चलचित्रको छायांकन मदन कश्यप घिमिरेले गरेका छन् ।
चलचित्रको गीतमा बुद्धवीर लामा, इरानराई, राजहाङ आङ्बो, भिम बस्नेत, सागर तामाङ लगायतका सिर्जनाकारहरूको शब्द समेटिएको छ । नृत्य निर्देशन मनि कुमार लिम्बू र सानुराजा लिम्बूले गरेका छन्। चलचित्रको सम्पादन रमेश बिशुङ्खेले गरेका हुन् ।
‘लडाईन पहिचानको’ चलचित्रमा दुई फरक सांस्कृतिक पहिचान बोकेका प्रेमिल जोडीको कथा देखिने अपेक्षा गरिएको छ। पोस्टरमै दुई फरक पारम्परिक भेषभूषामा देखिएका पात्रहरूले विविधताको भावलाई बलियो रूपमा प्रस्तुत गरेका छन्।
चलचित्रमा बलराम समाल, दिप्सन लिम्बू,भिम बस्नेत,शेखर थापा ,सागर तामाङको सङ्गीत छ भने प्रताप दास,बबिना किराँती , रगुन गुरुङ , रोजिना बस्नेत , सागर तामाङ , मनोज दाहाल,रोदा राई, बिबेस मोते,रमिला ग्याङमि मगर लगायतको स्वर सुन्न सकिन्छ ।
चलचित्रको पोस्टर आइडियल डिजाइनर्सले तयार पारेको हो। सिनेमाको मुख्य आकर्षण यसको मौलिकता, सांस्कृतिक पहिचानप्रतिको संघर्ष, प्रेम र सामाजिक अन्तर्द्वन्द्वमाथिको कथावस्तु रहेको बताइएको छ।
नेपाली सिने बजारमा सांस्कृतिक चेतना र सामाजिक सन्देश बोकेका चलचित्रहरूको माग बढ्दो छ, यिनै अपेक्षालाई ध्यानमा राख्दै ‘लडाईन पहिचानको’ ले दर्शकमाझ विशेष प्रभाव पार्न सक्ने अनुमान गरिएको छ।
Discussion about this post