विशेष अनलाइन । नेपाल चलचित्रकर्मी महासंघ, कोशी प्रदेशको पहल र नेपाल चलचित्र निर्देशक समाजको सहकार्यमा इटहरीमा एक विशेष सिने-प्रशिक्षण कार्यक्रम आयोजना हुने भएको छ।
“कोशीले बनाउँछ सिनेमा” शीर्षकमा संचालन हुने यो कार्यक्रम आगामी २०८२ सालको असार २०, २१ र २२ गते सम्म इटहरी म्याट्रिक्समा सम्पन्न हुनेछ।
नेपाली चलचित्र क्षेत्रलाई सशक्त, सिर्जनशील र गाम्भीर्यपूर्ण दिशातर्फ उन्मुख गराउने उद्देश्यले आयोजना गरिएको यो तीनदिने कार्यशालामा बहुप्रशंसित निर्देशक मनोज पण्डितले प्रशिक्षण प्रदान गर्नेछन्।
“Cinema Basics” शीर्षकमा केन्द्रित रहने यो सत्रमा चलचित्र निर्माणका आधारभूत ज्ञानदेखि दृश्य भाषा, कथा शिल्प, छायांकन, सम्पादन र निर्देशनका विविध पाटाहरूमा गहिरो समझ प्रदान गरिनेछ।
प्रत्येक दिन बिहान ८ बजेदेखि साँझ ५ बजेसम्म सञ्चालन हुने कार्यशालामा सिर्फ २० जना सहभागीहरूलाई सीमित राखिएको छ, जसले प्रशिक्षणको गुणस्तर र प्रभावकारिता अझ सशक्त बनाउनेछ।
नयाँ सोच, गहिरो दृष्टि र सिर्जनशील प्रतिभालाई निखार्दै नेपाली सिने क्षेत्रलाई सबलीकरण गर्ने यो गोष्ठीले चलचित्रप्रेमी, नव-निर्देशक तथा रचनात्मक सपनाहरू बोकेका युवायुवतीहरूका लागि प्रेरणाको स्रोत बन्ने विश्वास आयोजकहरूले व्यक्त गरेका छन्।
सहभागिता सुनिश्चित गर्न इच्छुकहरूलाई ९८५२०५५४५५ मा सम्पर्क गर्न अनुरोध गरिएको छ।
Discussion about this post