विशेष अनलाइन । नेपाल सरकारअन्तर्गत सञ्चार तथा सूचना प्रविधि मन्त्रालयको चलचित्र विकास बोर्डले बनेपा नगरपालिकाको वडा नं १० र १३ मा निर्माण हुन लागेको इनडोर सुटिङ स्टुडियोका लागि बोलपत्र टेन्डर आह्वान गरेको छ।
चलचित्र विकास बोर्डले सार्वजनिक गरेको सूचना अनुसार, निर्माणका लागि इच्छुक कम्पनीहरूलाई आगामी ३० दिनभित्र ई–बिडिङमार्फत आवेदन दिन आग्रह गरिएको छ।
चलचित्र विकास बोर्डका अध्यक्ष दिनेश डिसीका अनुसार, यो स्टुडियो सम्भवतः नेपालकै सबैभन्दा ठूलोआकारको (इनडोर सुटिङ स्टुडियो हुनेछ।निजी क्षेत्रसँग केही स्टुडियो भए पनि यस अघि चलचित्र क्षेत्रसँग आफ्नो स्टुडियो भने थिएन ।
बनेपाको ४२ रोपनी क्षेत्रफलमा निर्माण हुने उक्त स्टुडियो विगत केही वर्षदेखि योजनामा रहे पनि कार्यान्वयन चरणमा जान सकेको थिएन। यो पटक बोर्ड अध्यक्ष दिनेश डिसीको सक्रियतामा बोर्डबाट योजना अगाडि बढाउन ठोस पहल गरिएको हो। यो स्टुडियोको शिलान्यास २ महिनाभित्र नै गर्ने बोर्डको योजना रहेको छ ।
दिनेश डिसी अध्यक्ष भएपश्चात् प्रमुख तिन काम ६ महिनाभित्र सुरु गर्ने प्रतिबद्धता गरेका थिए । जसमध्ये पहिलो काम सुटिङ स्टुडियोको टेन्डर आह्वान भयो भने चलचित्र नीति पनि क्याबिनेटमा पुगिसकेको छ । बक्स अफिस बैशाख १ गतेबाट सुरु गर्ने डिसिको घोषणा छ ।
Discussion about this post