विशेष अनलाइन । चलचित्र ‘मिसिङ : केटी हराएको सूचना’को पहिलो गीत सार्वजनिक भएको छ । आइतवार चलचित्रको पहिलो ‘हेर्दै जाउँ ’ बोलको गित युट्युब मार्फत सार्वजानिक गरिएको हो । चलचित्रको गितमा रोहित जोन क्षेत्री र शितुसित बस्नेतको स्वर रहेको छ गीतमा शब्द तथा संगीत दीपेन्द्र गौचनको रहेको छ ।
सार्वजानिक गितमा चलचित्रका मुख्य कलाकार सृष्टि श्रेष्ठ र नाजिर हुसेन फिचर्ड छन् ।गीतमा संजोगले अचानक भएको भेट, बेठेगान र बेहिसाब जिन्दगी कता जान्छ भन्ने निश्चित नरहेको एक युवक र युवतीको कथा भन्छ । जिन्दगीको यात्राका क्रममा भेटिएका युवा–युवतीलाई जिन्दगीको गन्तव्य नै निश्चित नरहेको भाव गीतमा छ । यो नेपालका तराई क्षेत्रमा भिडियो छायांकन भएको हो ।
चलचित्र ‘मिसिङ : केटी हराएको सूचना’ आगामी कात्तिक ३० गतेदेखि सार्वजनिक प्रदर्शनमा आउने भएको छ । चलचित्रमा नाजिर र सृष्टिको अलवा सञ्जय गुप्ता, राम नारायण ठाकुर, मदन ठाकुर, रिना रिमाल, ललिता देवी मिश्र लगायतको अभिनय छ ।
चलचित्रका निर्देशक दीपेन्द्र गौचन हुन् । निर्देशक गौचन स्वयंको स्क्रिप्ट लेखन रहेको चलचित्रमा छायांकन अमर महर्जनको छ । नेपालकै ठुलो मल्टिप्लेक्स चेन क्यूएफएक्सका सञ्चालक नकिम उद्दिन फिल्मका कार्यकारी निर्माता हुन् ।
Discussion about this post