विशेष अनलाइन । अभिनेता विराज भट्टको निर्देशन रहेको एक्सन–थ्रिलर चलचित्र ‘१२ गाउँ’ को रोमान्टिक गीत सार्वजनिक भएको छ। सोमबार बुढासुब्बा डिजिटलको युट्युबबाट ‘कसो कसो’ बोलको गीत सार्वजानिक गरिएको हो।
सार्वजानिक गितमा चलचित्रका मुख्य कलाकार समीर भट्ट र सोनु चन्द्रपाल फिचर्ड रहेका छन् । गीतमा सुगम पोखरेल र सदीक्षा कट्टेलले स्वर दिएका छन्।गीतमा सुवासचन्द्र ढुंगेलको शब्द रहेको छ । सार्वजानिक गितमा निरज सिंहको संगीत, सौरभ लोखंडेको संगीत निर्माण र एरेन्जमेन्ट छ। भिडियोका कोरियोग्राफर रामजी लामिछाने हुन्।
दसैंको फूलपाती (असोज २४) गते बाट आउने चलचित्रमा विराज भट्ट, समीर भट्ट, सोनु चन्द्रपाल, दीया मास्के, मुरलीधर, सनिशा भट्टराई, नरेन खड्का, न्यान्सी खड्का, स्टन्ट शिल्भा, सन्तोष सरकार, कनिज कोइराला, शुलेमान शंकर (इकु), कृष्ण भट्ट लगायतका कलाकारहरूको अभिनय रहेको छ।
सन्तोष सरकारको लेखन रहेको चलचित्रमा महेश पौडेल र राजु लामाको डिओपी, स्टन्ट सिल्भा र शंकर महर्जनको द्वन्द्व निर्देशन रहेको छ । चलचित्रमा सुनील क्षेत्री र रामजी लामिछानेको कोरियोग्राफी, भूपेन्द्र अधिकारी र प्रवीन केएलको सम्पादन छ। चलचित्रलाई काफिया फिल्मस् र कुवेर सिने डिष्ट्रिब्युसनले वितरण गर्नेछन्।
Discussion about this post