इटहरी / नेपाली चलचित्रमा राम्रो फ्यान फलोइङ कमाएकी अभिनेत्री पुजा शर्माको आज जन्मदिन परेको छ । उनी ३० वर्ष पुरा भएर ३१ वर्षमा पाइला टेकेको बताइएको छ । नेपाली कथानक चलचित्र ‘थ्री लभर्स’ बाट नेपाली चलचित्र नगरीमा भित्रिएकी शर्मा हाल नेपाली चलचित्र नगरीका सफल अभिनेत्रीहरु मध्यकी एक हुन् । उनले अन्य धेरै चलचित्रमा काम गरेको भए पनि ‘प्रेम गीत’ ‘राम कहानी’ म यस्तो गीत गाउछु लगायतको सफलता पछी चलचित्र नगरीमा उनको मग बढेको हो ।
देश तथा बिदेशमा रहेका नेपालीहरु माझमा लोभ लाग्दो क्रेज बनाएकी अभिनेत्री शर्मालाई सामाजिक संजालमा सुभकामना दिनेहरूको ओईरो नै लागेको छ । बेलाबखत विवाद र आलोचनाको भुमरिमा परिरहने शर्मा अभिनेता आकाश श्रेष्ठसंग प्रेममा रहेको चर्चा पनि हुने गरेको छ । अधिकांश शुभचिन्तकले पनि आकाश र पुजालाई रियल जोडीका रुपमा हेर्न चाहेको अभिव्यक्ती दिने गरेका छन् । शुभचिन्तकले रियल जोडीका रुपमा हेर्ने चाहाना व्यक्त गरे पनि उनिहरु दुवैले यस पबषयमा कुनै पनि प्रतिकृया दिएका छैनन् ।
अघिल्लो वर्षको पुजाको जन्मदिनमा अभिनेता आकाश श्रेष्ठले सुनको सिक्री उपहार दिएका थिए । सोही उपहारका कारण यो जोडीको निकै चर्चा समेत भएको थियो । जन्मदिन मनाइरहदा अभिनेता श्रेष्ठले अभिनेत्री शर्मालाई सिक्री लगाइदिएका थिए । यस वर्ष अभिनेता श्रेष्ठले पुजालाई कस्तो उपहार देलान भन्ने पनि धेरैको चासोको विषय बनिरहेको छ ।
अभिनेत्री शर्माले म यस्तो गीत गाउँछु’ र ‘राम कहानी’ मार्फत चलचित्र निर्माणमा समेत हात हालेकी छन् । पछील्लो समय उनि अभिनित चलचित्र ‘म यस्तो गीत गाउँछु–२’ रिलिजको तयारी रहेको छ । तर कोरोना भााइरस संक्रमणका कारण जारी लकडाउनसँगै ‘म यस्तो गीत गाउँछु–२’को रिलिज मिति अनिश्चित कालको लागि स्थगित गरिएको छ ।
हरेक वर्ष अभिनेत्री पुजाले आफ्नो जन्मदिन आफ्ना खास शुभचिन्तकहरुसँग मनाउदै आएकी थिइन् । उनको जन्मदिनमा उनलाई भेट्न र शुभकामना दिनकै लागी बिभिन्न जिल्लाबाट शुभचिन्तकहरुको ओइरो नै लाग्ने गरेको थियो । तर यस वर्ष भने कोरोनाभााइरस संक्रमणका कारण सामान्य हिसावले जन्मदिन मनाउने पुजाले बताएकी छन् । नजिकै हुने शुभचिन्तकहरु भने उनलमर्य भेट्न र शुभकामना दिनका लागी आउने पुजाले बताएकी छन् ।
Discussion about this post