नेपाली चलचित्रमा एक पछी अर्को सिक्वेल निर्माण गर्ने ट्रेण्ड सुरु भएको धेरै भयो । तर, पछील्लो समय म्युजिक भिडियोको पनि सिक्वेल निमांण गर्ने ट्रेण्ड सुरु भएको छ । यसै बिच लोकपृय गीतसंगीतका कारण लाखौ दर्शकको मनमा बस्न सफल गायक महेश काफ्लेको नयाँ गीत सर्वजनिक भएको छ । तातो गोली शिर्षक दिइएको यस गीतलाई महेश काफ्लेकै एक समयको निकै चर्चित गीत माया बिरानीको दोस्रो भागका रुपमा प्रस्तुत गरिएको छ ।
जसलाई माया बिरानी २ नाम दिइएको छ । असिम शाहको निर्देशनमा तयार भएको यस गीतको म्युजिक भिडियोमा रियल जोडी अभिनेता तथा निर्देशक निश्चल बस्नेत र अभिनेत्री स्वस्तिमा खड्का संगै गायक काफ्लेको पनि जोडदार अभिनय रहेको छ । यस अघिको चर्चित गीत माया बिरानीमा अभिनेता नाजिर हुसेन, अभिनेत्री आँचल शर्मा र गायक महेश काफ्लेको अभिनयलाई नेपाली दर्शकले निकै रुचाएका थिए ।
माया बिरानीमा जस्तै तातो गोलीमा पनि गायक काफ्लेलाई लोकप्रिय गायिका मेलिना राईले साथ दिएकी छन् । यस गीतको लेखन तथा संगीत गायक काफ्लेले नै गरेका हुन् । हरि हुमागाईको छायांकन रहेको भिडियोको सम्पादन लोकेश बज्राचार्यले गरेका हुन् । गायक काफ्लेका यस भन्दा पहिलेका गितसंगित जस्तै यसलाई पनि नेपाली दर्शकले राम्रो साथ दिने गायक काफ्लेले अपेक्षा गरेका छन् ।
Discussion about this post