धीरज र उपासना अभिनित चलचित्र ‘खुस्मा’को टिजर सार्वजनिक

बिशेष अनलाइन । आगामी असोज ३ गतेबाट प्रदर्शनमा आउन लागेको चलचित्र ‘खुस्मा’को टिजर सार्वजनिक भएको छ । सार्वजनिक टिजरले चलचित्रका शीर्ष अभिनेता धीरज मगर र अभिनेत्री उपासना सिंह ठकुरीबीचको प्रेम र समर्पणलाई देखाएको  छ ।

अशोक थापा मगरको लेखन तथा निर्देशन रहेको चलचित्रमा धीरज र उपासनासहित माओत्से गुरुङ, खड्कबहादुर पुन (खबपु), राज थापा काउचा, सुजता राई, विजय संयोक सुब्बा, राजु रेग्मी मगर, अस्तित्व भट्टचन, संगीता थापामगर, सारा राई, विवेश मगर, श्वेता मिश्र, दुईसाङ थिङ, अरुण पुन मगर लगायत कलाकारहरुको अभिनय रहेको छ। ‘खुस्मा’ मगर समुदायको पृष्ठभूमिमा बनेको जनाइएको छ ।

चलचित्रको निर्माताहरुमा वीर बहादुर लामा, चन्द्र बहादुर भट्टचन र बेतान मगर रहेका छन् । सह-निर्माताहरु मान बहादुर धनाह मगर र सुस्मिता बुढाथोकी हुन् । मोहन राई कार्यकारी निर्मातामा छन् । गोविन्द शाहीले वितरण गर्न लागेको फिल्ममा दीपक बज्राचार्यको छायांकन, एसडी योगी र छान्जु पार्कको संगीत तथा सुरेन्द्र राना, राम अविरल विष्ट र निर्देशक थापा मगर स्वयंको शब्द रचना रहेको छ ।