विशेष अनलाइन । सुदर्शन थापा निर्देशित चलचित्र ‘रावायण’ को दोश्रो पोस्टर सार्वजनिक भएको छ । पोस्टरमा नायक पल शाह र नायिका पूजा शर्मा देखिएका छन् । चलचित्रको यस पोस्टरमा पललाई केही गम्भीर भावमा र पुजालाई भने रिसाएको देख्न सकिन्छ ।
यसअघि चलचित्रको सार्वजनिक पलको फस्टलुक पोस्टरले राम्रै चर्चा पाएको थियो । सुदर्शन थापा प्रोडक्शन र पुजा शर्मा प्रोडक्शनको संयुक्त ब्यानरमा बनेको चलचित्रकी निर्माता पुजा शर्मा हुन् । चलचित्रमा सुशन पाठक कार्यकारी निर्माता छन् ।
आगामी भदौ २१ गतेदेखि रिलिज हुने चलचित्रमा पल शाह, पुजा शर्मा, प्रियंका कार्की, प्रमोद अग्रहरी, निकीता चण्डक, प्रकाश शाह, कैलाश रावल, अर्जुनजंग शाही, शर्मिला मल्ल, प्रदीप ढकाल लगायत कलाकारहरुको अभिनय रहेको छ ।
चलचित्रमा सुदर्शन थापाको कथा, शिवम अधिकारीको लेखन, प्रदीप श्रीवास्तव र राज गौरवको ओरिजिनल हिन्दी स्क्रिप्ट, सौरभ लामाको छायांकन रहेको छ । यस चलचित्रमा मिलन श्रेष्ठको सम्पादन र विक्रम स्वार र रामजी लामिछानेको कोरियोग्राफी र श्री श्रेष्ठको एक्सन रहेको छ ।
चलचित्रको वितरण आरआर फिल्मसले गर्नेछ । डिजिटल पार्टनरको रूपमा ओएसआर डिजीटल रहेको छ ।
Discussion about this post