विशेष अनलाइन । यही साउन ३२ गतेदेखि प्रदर्शनको तयारीमा रहेको चलचित्र ‘बुलाकी’ नाटकसहित बृहत प्रचारमा लागि परिरहेको छ । चलचित्रको बिषय बस्तु बताउदै सामाजिक सन्जाल मार्फत बात पनि प्रचरप्रसारलाइ तिब्रता दिरहेको छ । नौलो र भिन्न प्रचार गर्न निर्माण युनिट यतिबेला राजधानीका विभिन्न स्थानमा पुगेर सडक नाटक, नृत्य तथा गायन प्रस्तुति दिइरहेको छ ।
चलचित्र ले उठान गरेको कथावस्तु र प्रदर्शन मिति जानकारी गराउँदै दर्शक आकर्षण गर्न टोल–टोलमा पुगिरहेको छौ । व्यवसायीक थिएटर कलाकार तथा मोडलहरूसँगै गायक गायिकासहित चलचित्रको प्रचार अभियानलाई अघि बढाइ रहेको छ । नारीप्रधान भनिएको चलचित्रको कथावस्तुको परिधिमा रहेर जनचेतनामूलक सडक नाटक प्रस्तुत गरिएको निर्माता तथा कलाकार बिराज विष्टले बताए ।
शुक्रबारबाट काठमाडौँका बिभिन्न स्थानमा नाटक प्रदर्शन गरिरहेको छ । चलचित्र प्रदर्शनको अघिल्लो दिनसम्म काठमाडौँका (डेढ दर्जन) १८ ठाउँमा नाटक प्रस्तुति दिइने निर्माता विष्टले जानकारी दिए ।मुख्यतः मानिसहरूको बाक्लो भिडभाड हुने बसपार्क एरिया, विभिन्न पार्क, शान्तिवाटिका, भृकुटीमण्डप, विभिन्न सपिङ मल, खुल्ला मञ्च, वसन्तपुर, पाटन लगायतका ठाउँमा कलाकारसहित सिधा दर्शकसँग साक्षात् गर्ने कार्यक्रम रहेको निर्देशक लक्ष्मण सुनारले बताए ।पश्चिम नेपालमा विद्यमान जारी प्रथाको कथा उठान गरेको चलचित्रलाई निर्माण ब्यानर छत्रेश्वरी म्यानेजमेन्टले नेपाली मौलिक चलचित्र भन्दै आएको छ ।
नेपाल सरकारबाट विशेष चलचित्रको अवार्ड प्राप्त गरिसकेको यो चलचित्रले समग्र नेपालको संस्कृति र रीतिरिवाजको प्रतिनिधित्व गर्ने सुनार बताउँछन् । अभिनेत्री सुरक्षा पन्तसँगै अभिनेताद्वय नरेन खड्का र बिराज विष्ट र नव अभिनेत्री सरस्वती खत्री, लक्ष्मी गिरी, सुशील पोखरेल, रमेश बुढाथोकी, कुलद्विप अधिकारी, विनयराज पौडेललगायतका कलाकारलाई समेत चलचित्रको अभिनयमा देख्न सकिनेछ ।
Discussion about this post