विशेष अनलाइन । निर्देशक दिवाकर भट्टराईको निर्देशनमा चलचित्र ‘नरसिंहाः अवतार’ को निर्माण घोषणा गरिएको छ । निर्माण पक्षले चलचित्रको घोषणा गर्दै थिम पोस्टर सार्वजनिक गरेको छ ।
यस चलचित्रबाट महानायक राजेश हमाल कमब्याक गर्ने भएका छन् । महानायक हमाल लामो समयपछि फिचर चलचित्रमा अभिनय गर्ने निर्णयमा पुगेका हुन् । यो चलचित्रका लागि आइतबार हमालले निर्माणपक्षसँग कागजी सम्झौता गरेका थिए ।
लामो समयको अन्तरालपछि हमाल दिवाकरको चलचित्रबाट दर्शकमाझ फर्किन लागेका हुन् । त्यसैले यो चलचित्र प्रतिक्षित बन्ने निश्चित देखिएको । क्रिएटिभ सिने आर्टको प्रस्तुति रहने चलचित्रको जानरा खुलाइए पनि निर्माणपक्षले कथाबारे केही जानकारी गराएको छैन ।
हमालको अपोजिटमा नायिका को हो, अन्य मुख्य कलाकार को–को हुन्, निर्माता को हो भन्नेबारे निर्देशकले केही खुलाएका छैनन् । थिम पोस्टर यसैमा मौन छ । चलचित्रको लगानी भने तीन करोडभन्दा माथि हुने बताइएको छ ।
Discussion about this post