विशेष अनलाइन । दीपेन्द्र के . खनालको निर्देशन गर्न लागेको चलचित्र ‘घर नम्बर २’मा अभिनेत्री केकी अधिकारी र उपासना सिंह ठकुरी अनुबन्धित भएका छन् । निर्माण युनिटले बुधबार कलाकारको रूपमा यी दुई अभिनेत्री भित्र्याउँदै चलचित्रको लाइनअप पूरा गरेको हो ।
यसअघि वुद्दिसागरको लेखन रहेको चलचित्रमा खगेन्द्र लामिछाने, निश्चल बस्नेत र आर्यन सिग्देल छानिएका थिए । उपासनाले चलचित्र ‘खुस्मा’को छायाङ्कन सकेपछि यो चलचित्रमा काम गर्न लागेकी हुन् । चलचित्रको छायाङ्कन काठमाडौँका विभिन्न स्थानमा हुने भएछ ।
ए प्लस इन्टरटेन्मेन्ट र नटराज क्रियशनको ब्यानरमा निर्माण हुन लागेको चलचित्रमा शरद श्रेष्ठ, किरण महर्जन, राजीव श्रेष्ठको लगानी रहेको छ । चलचित्रका कार्यकारी निर्माता युवराज कार्की हुन् । चलचित्रलाई सामाजिक कथावस्तुमा निर्माण गरिने निर्माण पक्षको भनाई छ ।
चलचित्र काठमाडौँमा रिच इन्टरटेन्मेन्ट र काठमाडौँ बाहिर एफडी कम्पनीले वितरण गर्न तय भएको छ । चलचित्र यसैबर्ष रिलिज गर्ने तयारी गरिएको छ ।
Discussion about this post