लक्ष्मण सुवेदीको निर्देशनमा बनेको चलचित्र ‘सतीदेवी’को टिजर सार्वजनिक

बिशेष अनलाइन । लक्ष्मण सुवेदीको निर्देशनमा बनेको नारीप्रधान चलचित्र ‘सतीदेवी’को टिजर सार्वजनिक भएको छ । मलिका महतको महत्वपुर्ण भूमिका रहेको चलचित्रको टिजरमा कथावस्तु, चरित्र चित्रण र समाजले छोरीप्रति गर्ने विभेदहरू झल्काएको छ ।

चलचित्रले छोराको आशामा छोरी जन्माउने र समाजले छोरीलाई अपहेलाको सिकार बनाएको कथा मर्फत चित्रण गरेको छ ।निर्देशक सुवेदीले चलचित्र मर्फत छोरीलाइ अस्वीकार गरेर परिवारको वंश धान्न छोरा चाहिन्छ भन्ने प्रतीकात्मक सोचलाई थुप्रै प्रश्न गरेका छन् । चलचित्रको टिजरले छोरीले पनि परिवारप्रति आफ्नो कर्तव्य निभाउन सक्छन् भन्ने कुरालाइ देखाइएको छ ।

आगामी साउन ४ गतेदेखि प्रदर्शनमा आउन लागेको चलचित्र ‘सतीदेवी’ मा अभिनेत्री मलिका महत प्रमुख पात्रको रुपमा रहेकी छिन् भने रमेश बुढाथोकी, भोलाराज सापकोटा, कुलदीप अधिकारी, सन्दीपबाबु लोहनी, सृजना अधिकारी, मनिषा सापकोटा, सुजिता सिवाकोटी, तुलसी श्रेष्ठको पनि अभिनय रहेको छ ।

निर्देशक सुवेदी स्वयंको लेखनमा रहेको चलचित्रको निर्माता श्रीदेवी, दिलासा र सारा सुवेदी हुन् । दिलाशा क्रियसन र गोल्डेन स्टेट मुभी मेकर्स एलएलसी क्यालिफोर्नियाको संयुक्त प्रस्तुति रहेको चलचित्रमा बाबु श्रेष्ठले छायांकन, दीपक शर्मा र सुवास भुसालको संगीत तथा रामजी लामिछानेले कोरियोग्राफी गरेका छन्।