कुलमानको नियुक्तिपछि दीपकराज गिरीले भने, ‘राम्रो कामको नतिजा ढिलै भएपनि राम्रो हुन्छ ’

बिशेष अनलाइन । कुलमान घिसिङ पुनः नियुक्त भएसँगै नेपालीहरुले खुसी व्यक्त गरिरहेका छन् । धेरैले कुलमान घिसिङको पुनः नियुक्त सरकारको प्रसंसा योग्य कार्य भएको भन्दै साम्जिक सञ्जालमा खुसी साटिरहेका छन् । यसै बिच प्राधिकरणको कार्यकारी निर्देशकमा कुलमानको पुनः नियुक्ति हुदा निर्देशक तथा कलाकार दीपकराज गिरीले पनि खुसी व्यक्त गरेका छन् ।

निर्देशक तथा कलाकार गिरीले सामाजिक सञ्जाल फेसबुकमा पोष्ट गर्दै कुलमानको नियुक्तिको निर्णय जनप्रिय भएको उल्लेख गरेका छन् । उनले सकारात्मक कामको सकारात्मक सन्देश जाने उल्लेख गर्दै राम्रो कामको नतिजा ढिलै भएपनि सकारात्मक हुन्छ भन्ने सन्देश गएको बताएका छन् । उनले राम्रो कामको पुरस्कार ढिलै भएपनि मिल्ने बताएका छन् ।

गिरीले आफु एक स्वतन्त्र नागरिक भएको र स्वतन्त्र नागरिकको हैसियतले सधै सरकारको नराम्रो कामको आलोचना र राम्रो कामको तारिफ गर्ने गरेको समेत उल्लेख गरेका छन् । कुलमानको कार्यकाल समाप्त भएपछि तत्कालीन केपी ओली सरकारले जनभावनाको बेवास्ता गर्दै उनको स्थानमा हितेन्द्र देब शाक्यलाई नेपाल विद्युत् प्राधिकरणको कार्यकारी निर्देशकमा नियुक्ति गरेका थियो । त्यस समय पनि कुलमानको पुनः नियुक्ति गर्नुपर्छ भनेर आजाव उठाउने कलाकारमध्ये गिरीपनि एक थिए ।