बिशेष अनलाइन । पछिल्लो समय चर्चाको शिखरमा कुनै अभिनेत्री अभिनेत्री छिन् भने ति हुन् प्रियंका कार्की । हुन त उनी अन्य समयमा पनि चर्चामा आइरहन्छिन् । उनी पहिलो पटक आमा बन्ने खबर सार्बजनिक भएपछि सुरु भएको उनको चर्चा दिन प्रतिदिन ट्रेण्डिङमा रहदै आएको छ । उनले आफु गर्भवती भएपछि सामाजिक सञ्जालमा पोस्ट गरेका तस्विरमा अधिकांशले आलोचना नै गरेका छन् । तर, जस्ले जति आलोचना गरेपनि उनी आफ्नै लयमा दौडिरहेकी छन् ।
उनले आमा बन्न लागेकोे खुसीमा आफ्नो पेटमा बच्चाको आकार बनाएर नाइटोबाट पाइपले जुस पिलाएको तस्विरले निकै चर्चा पायो । उनको त्यो शैली बिदेशी कलाकारको कपी भएको भए पनि नेपाल र नेपाली परिवेशका लागि त्यो नौलो बिषय थियो । त्यस्तै स्विमिङ कस्टूममा बेबी बम्प देखाउँदै स्विमिङ गरेका तस्विर सार्वजनिक भएपछि उनको आलोचना गर्नेहरुका लागि मल थपिएको थियो ।
हुन त केही मानिसले यो उनको ब्यक्तिगत जिवन रहेको र उनले यस समयको भरपुर अनुभव लिएको पनि बताउने गरेका छन् । उनी आमा बन्ने अन्तिम समय नजिक आइसकेको छ । छिट्टै आमा बन्ने तरखरमा रहेकी प्रियंकाले दोश्रो सन्तानका विषयमा पनि अहिले नै सोच्न थालिसकेको बताएकी छन् । उनले पहिलो सन्तान जन्मिएको दुई वर्षपछि अर्को सन्तानको प्लान गर्ने बताएकी छन् ।
महिलाले गर्भावस्थाको समयलाई उत्सवका रुपमा मनाउनु पर्ने बताउदै अभिनेत्री प्रियंकाले तत्काल चलचित्र नगरीको काममा फर्किने विषयमा भने सोचिनसकेको बताएकी छन् ।
Discussion about this post