बिशेष अनलाइन । केही दिन अघि फुटबल गतिबिधिले भरिभराउ हुने सामाजिक सञ्जाल यतिबेला पुन राजनितिक घटनक्रमले भरिएको छ । नेपाली दर्शक देखि कलाकर्मीहरुले राजनितिक घटनाक्रमका विषयमा सामाजिक सञ्जालमा आफ्ना बिचार व्यक्त गरिरहेका छन् ।
तत्कालिन प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले गरेको प्रतिनिधिसभा विघटनलाई असंवैधानिक ठहर गर्दै सर्वोच्च अदालतले दोश्रोपटक पनि बदर गरिदियो।
सर्वोच्च अदालतको संवैधानिक इजालसले संविधानको धारा ७६ को ५अनुसार प्रतिनिधिसभा पुनर्स्थापना गर्दै कांग्रेस सभापति शेरबहादुर देउवालाई प्रधानमन्त्री नियुक्ति गर्न परमादेश जारी गर्यो । सर्वोच्च अदालतको परमादेश अनुसार शेरबहादुर देउवा प्रधानमन्त्री नियूक्त भइसकेका छन् ।
राजनितिक घटनाक्रमको यसै परिस्थितिलाई मध्यनजर गर्दै निर्देशक तथा कलाकार दिपक राज गिरीले पनि सामाजिक सञ्जालमा आफ्नो प्रतिक्रिया दिएका छन्। उनले अहिलेको अवस्थामा जो कोही देशको प्रधानमन्त्री बने पनि देशमा सुधार आउन नसक्ने टिप्पणी गरेका छन्।
कलाकार गिरीले संविधान माथि नै प्रश्न समेत उठाएका छन्। ”राष्ट्रपतिय प्रधानमंत्री द्वारा अदालतीय प्रधानमन्त्रीलाई सत्ता हस्तान्तरण गर्ने सम्भावना, त्यस पछि फेरी कुरो उहि,कठै ४ बर्ष लगाएर कस्तो संबिधान बनाएछन्” उनले भनेका छन् ।
Discussion about this post