बिशेष अनलाइन । फुटबल सबैको प्रिय खेल हो । यो खेलबाट बालख देखि वृद्धसम्मले मनोरञ्जन लिने गरेका छन् । बिश्व फुटबलका २ ठुला प्रतियोगिता यूरोकप र कोपा अमेरिका यो समय चलिरहेको छ । यी २ ठुला प्रतियोगिताले नेपालमा पनि सरगर्मी बढाएको छ । नेपाली कलाकारहरु पनि यस समय फुटबल प्रतियोगिताहरुबाट मज्जा लिइरहेका छन् । हाल भइरहेका २ प्रतियोगिताहरुलाई नजिकबाट नियालेर हेरिरहेका कलाकारहरु मध्यका एक हुन दीपकराज गिरी ।
दीपकले मध्यरातमा होस या बिहानको समयमा, आफुले समर्थन गरेको देशको खेल छुटाएका छैनन् । खेल त हेर्छन् नै खेलका दौरान भएका घटनाक्रमहरुलाई सामाजिक सञ्जाल मार्फत अभिव्यक्त पनि गर्ने गर्छन् ।
दीपकले सामाजिक सञ्जालमा प्रस्तुत गरेका अभिव्यक्तीबाट प्रस्ट हुन्छ,उनी यूरो कपमा इटाली र कोपा अमेरिकामा अर्जेन्टिाका समर्थक हुन् । नेपाली चलचित्र नगरीमा आफुले निर्माण गरेका सबै चलचित्रहरुलाई सफल बनाएर लक्की साबित भएका दीपक चलिरहेका फुटबल प्रतियोगितामा पनि हालसम्म लक्की साबित भएका छन् । उनले समर्थन् गरेका दुबै देश आ आफ्नो प्रतियोगितामा फाइनलमा प्रबेश गरेका छन् ।
कोपा अमेरिकामा फाइनलमा उपाधीका लागि अर्जेन्टिना र ब्राजिलले भिड्ने पक्का भइसकेको छ । यता यूरोकपमा भने इटाली फाइनल प्रवेश गरिसकेको छ भने इटालीले फाइनलमा इङ्ल्यान्ड र डेनमार्क बिचको बिजेतासँग उपाधीका लागि प्रतिष्पर्धा गर्ने छ ।
Discussion about this post