इटहरी / केही दिन अघि मात्र सांगीतिक यात्रा निष्कर्षमा पुगेको बताएका लोकपृय गायक नितेशजंग कुँवरले उक्त अभिब्यक्तिको कारण खुलाएका छन् । उनले ‘एउटा ठाउँसम्म पुगेको र अब अझ धेरै केही गर्नु छ’ भनेर नेपाली सांगीतिक यात्रा छाड्नुपरेको बताएका छन् । उनले सामाजिक सञ्जालमा भिडियोशन्देस सार्बजनिक गर्दै नेपाललाई विदेशमा पनि चिनाउनुपर्ने बताएका छन् । नेपाली सांगितिक क्षेत्रलाई अन्तराष्ट्रिय स्तरसम्म पुर्याउन अवस्यक रहेको कुरालाई उनको शन्देसले इंगित गरेको थियो ।
उनले नेपाललाई अन्तराष्ट्रिय स्तरमा चिनाउन आवस्यक भएको बताउदै त्यसका निम्ति सबैले आ–आफ्नो क्षेत्रबाट काम गर्नुपर्ने बताएका छन् । देशलाई चिनाउनकै लागि आफूले आफ्नै तरिकाले काम गर्न सुरु गरेको उनले उल्लेख गरेका छन् ।
–‘ मलाई सबैबाट राम्रो साथ र सहयोग मिलेको छ । साथ र सहयोगबाट नै यहाँसम्म पुगेको छु । यही साथका कारण म केही न केही गर्छु भनेर हिडेको छु । धेरै बोलेर काम छैन । म कामले नै बोल्छु । काम नै गरेर आउँला ।’ उनले आफूलाई साथ र सहयोग गर्नेहरुलाई धन्यवाद समेत दिएका छन् ।
गायक कुँवरले केही दिनअघि फेसबुक स्टाटसमार्फत आफ्नो नेपाली सांगीतिक यात्रा निष्कर्षमा पुगेको बताएका थिए ।
Discussion about this post