बिशेष अनलाइन । पछिल्लो समय संगीत क्षेत्रमा नयाँ गीत र म्युजिक भिडियोको प्रतिस्पर्धा बढेको छ । केही म्युजिक भिडियोले दर्शकको ध्यान तान्न सफल भएका छन् भने कतिपयले दर्शकको साथ पाएका छैनन । कतिपय गीतका शब्द मन छुने खालका हुन्छन् । ती मन छुने शब्दहरूले दर्शकको मन जित्छन्। यस्तै मन छुने शब्दले भरिएको एउटा म्युजिक भिडियो सार्वजनिक भएको छ ।
गीतको बोल छ,‘बाचा कसम’ । प्रेम र बिछोडको कथा बोकेको म्युजिक भिडियोमा नयन सिंह, स्मृति श्रेष्ठ र सन्देश कार्कीको अभिनय रहेको छ । गीतमा पवित्रा कार्कीको स्वर रहेको छ । नयन सिंहको शब्द रहेको गीतको यो फिमेल भर्सन हो ।
गीतको ुमेल भर्सनुमा भने विशाल निरौलाले आवाज दिएका थिए । गायिका पवित्रा कार्कीले गीतको ‘मेल भर्सन’ जस्तै ‘फिमेल भर्सन’लाई पनि दर्शकले रुचाउनेमा आशा व्यक्त गरेकी छन् । भिडियोमा प्रस्तुत कथा र गीतको शब्द तथा संगीतले ‘बाचा कसम’लाई विशेष बनाएको छ । गायिका कार्कीले गीतमा आफ्नो स्वर दिएर न्याय गरिन् ।
दर्शकले पनि गायिका कार्कीको तारिफ गरेका छन् । विक्रम चौहानको कथा र निर्देशन रहेको म्युजिक भिडियो युटुब च्यानल ‘एलबी प्रोडक्सन’ मा उपलब्ध छ ।
Discussion about this post