बिशेष अनलाइन । नेपालीहरु आफ्नै चाडपर्व तथा विविद संस्कृतिका कारण बिश्वमाझ लोकपृय छन् । नेपालमा मनाइने बिभिन्न चाडपर्वहरुले विदेशीहरुको ध्यान केन्द्रित हुने गरेको छ । लोकप्रिय चाडपर्वहरु मध्यको एक हो महाशिव रात्री । विशेष भगवान शिवका भक्तहरुले यो पर्वलाई हर्सोल्लासका साथ मनाउने गरेका छन् ।
शिवरात्रीमा बिशेष शिवका भजनहरु बजाएर भजन कृतन गर्ने गरिएको छ । यसैबिच महाशिव रात्रीलाई मध्यनजर गर्दै गायक फणिन्द्र सुवेदीले शिव भजन सार्वजनिक गरेका छन् । गायक सुवेदीले ‘तिम्रै भजन गर्छु शम्भो’ दर्शकमाझ ल्याएका हुन् । नेपाली समाजमा सनातन धर्मको एक अभिन्न अङ्गको रुपमा मौलिक भजनहरु रहेका श्रोता तथा दर्शकको चाहनालाइ मध्यनजर गर्दै सुवेदीले सो भजन सार्वजनिक गरेका हुन् ।
उत्कृष्ट शैलिमा निर्माण गरिएको भजनलाई गायक सुवेदी र ज्ञानु राणाले गाएका छन् । लक्ष्मी गिरी, सुनिता श्रेष्ठ र जिवनलाल श्रेष्ठले उनीहरुलाई समुहमा साथ दिएका छन् ।
भजनको शव्द संयोजन गायक फणिन्द्र सुवेदी र मीला सुवेदीले गरेका हुन् । मीला गायक सुवेदीकी श्रीमती हुन् । भजनको संगीत पनि गायक सुवेदीले नै गरेका हुन् । भजनको एरेन्जर बल राम समाल हुन् । शिवको महिमा प्रस्तुत गरिएको उक्त भजनको छायांकन तथा निर्देशन पर्शुरम चौधरीले गरेका हुन् भने भजनको सम्पादन पनि निर्देशक चौधरीले नै गरेका हुन् । निर्देशक चौधरी लामो समय देखि नेपाली चलचित्र नगरीमा स्थापित हुदै आएका छन् । उनलाई चौधरी चलचित्रका महानायक समेत भन्ने गरिएको छ । नेपालको पहिलो चौधरी भाषामा निर्माण भएको चलचित्र करम उनै चौधरीले निर्माण गरेका हुन् ।
यता गायक सुवेदी पनि नेपाली गीतसंगीतको क्षेत्रमा महत्वपूर्ण नाम हो । २०३४ सालमा रेडियो नेपालबाट गायन यात्रा सुरु गरेका गायक सवेदीले हालसम्म दर्जनौ गीतहरुमा स्वर दिइसकेका छन् । सुवेदीका सातवटा लोक गीत भजनका एल्वमहरु समेत बजारमा आइसकेका छन ।
Discussion about this post