जयनन्द लामालाई लाइफटाइम अचिभमेन्ट अवार्ड

बिशेष अनलाइन । कलाकार जयनन्द लामा लाइफटाइम अचिभमेन्ट अवार्डबाट सम्मानित हुने भएका छन् । लोक गायक तथा अभिनेता लामालाई राष्ट्रिय काठे लोकदोहोरी अवार्ड कार्यक्रममा लाइफटाइम अचिभमेन्ट अवार्डबाट सम्मान गर्न लागिएको हो ।

सुनाखरी मल्टिमिडिया फाउन्डेसनले आयोजना गर्न लागेको राष्ट्रिय काठे लोकदोहोरी अवार्ड आगामी असोज ७ गते गर्ने तय भएको आयोजकले जानकारी दिएको छ। फाउन्डेसनको बैठकले गायक तथा अभिनेता लामालाई लाइफटाइम अचिभमेन्ट अवार्ड प्रदान गर्ने निर्णय गरेको हो।

अवार्ड समारोहमा सर्वोकृष्ट गायक, गायिका, शब्द संकलन, संगीत, मोडल, नवप्रतिभालगायत ३२ विधामा अवार्ड प्रदान गरिने फाउन्डेसनका अध्यक्ष माधव थापाले जानकारी दिए । कार्यक्रम राष्ट्रिय सभागृहमा काठमाण्डौमा आयोजना गरिने तय भएको बताइएको छ ।

लामाले गाएका केही लोक गितसंगीतहरुले नेपाली दर्शक तथा श्रोताको मनमा कहीले नमेटिने गरी बास गरेका छन् ।