बिशेष अनलाइन । विभिन्न कलाकारहरु यतिबेला सिन्धुपाल्चोकका बाढीपीडितको सहयोगका लागि जुटिरहेका छन् । बिशेष गरि सिन्धुपाल्चोक मै जन्मिएका कलाकारहरुको पहलमा कोष खडा गरेर नै अभियान चलिरहेका छ ।
यता अभिनेत्री वर्षा सिवाकोटीले भने सोही स्थानका बासिन्दाजरुका लागि छुट्टै अभियान सुरु गरेकी छन् । उनले सामाजिक सञ्जालमार्फत ‘मेलम्ची राहत अभियान’ सुरु गरेको जानकारी गराएकी छन् ।
अन्य कलाकारहरुकै अभियानमा सामेल हुनुको सट्टा आफैले छुट्टै अभियान सुरु गर्नुलाई अर्थपूर्ण रुपले हेरिएको छ । अभिनेत्री सिवाकोटीले चलाएको अभियानमा पनि देश तथा विदेशबाट सहयोग जुट्न थालेको बताइएको छ ।
उनले अभियानमा प्राप्त सहयोग रकम र सहयोगकर्ताको नामसहित सार्वजनिक गर्ने जनाएकी छन् । हालसम्म कति सङ्कलन भयो भन्ने बिषयमा भनेउनले अहिले खुलाएकी छैनन् ।
उनले भनेकी छन्, ‘बाढीपीडित मेलम्चीबासी आदरणीय दाजुभाइ एवं दिदीबहिनीको सहयोगका निम्ति आफ्नो तर्फबाट केही सहयोग गर्न अग्रसर भएकी छु ।’ उनले यस अभियानमा हातेमालो गर्न चाहानेलाई सम्पर्कमा आउन फेसबुक मार्फत नै आग्रह गरेकी छन् ।
अभिनेत्री सिवाकोटीले सबैको प्रयासमा पीडामा रहेका मेलम्चीबासीलाई राहत मिल्ने आशा राखेको बताएकी छन् । उनले सहयोग गर्न चाहानेहरुले प्रभु बैङ्कमा रहेको केबी फाउन्डेसनको खातामा रकम पठाउन आग्रह गरेकी छन् ।
Discussion about this post