विशेष अनलाइन । निर्माता किरण नेपालीले अब निर्देशनमा पनि हात हाल्ने भएका छन्। बुधबार राजधानीमा आयोजित पत्रकार सम्मेलनमार्फत उनले आफ्नो डेब्यू निर्देशकीय चलचित्र ‘महादशा’ को शीर्षक र प्रि–टिजर सार्वजनिक गर्दै औपचारिक रूपमा निर्देशन यात्राको सुरुवात गरेका हुन्।
लेकाली इन्टरटेन्मेन्टको ब्यानरमा बन्ने यस चलचित्रको प्रि–टिजरमा कलाकार प्रमोद अग्रहरि, प्रेमा लामगाढे र हाकिम गुरुङलाई परम्परागत भेषभूषामा प्रस्तुत गरिएको छ। यसमार्फत लोकप्रिय र्यापर हाकिमले पनि अभिनयमा डेब्यू गर्दैछन्। उनी यसअघि ‘सौर्य’ चलचित्र निर्माण र संगीतमा संलग्न भइसकेका थिए। “अफर आएपछि अभिनय गर्ने निर्णय गरेँ,” उनले भने।
चलचित्रमा रियर राई पनि देखिनेछन् भने लगानीतर्फ राजे के. शाह, श्याम मगर र अमलादेवी राई संलग्न छन्। कार्यकारी निर्माता सुरज आचार्य रहेका छन्। चलचित्रको पटकथा मनिष गौतमले लेखेका हुन्।
संस्कार, संस्कृति, आध्यात्म, जीवनमा ग्रह–नक्षत्रको प्रभाव र समाजका रहस्यमय घटनाक्रमलाई केन्द्रमा राखेर तयार हुन लागेको यो चलचित्रले फरक कथावस्तु दर्शाउने बताइएको छ।
चलचित्रको प्रोडक्सन म्यानेजर अनिश अधिकारी र समर चौलागाई रहेका छन्। छायांकन पूरा भएपछि मात्र चलचित्रको प्रदर्शन मिति घोषणा गर्ने निर्माताले बताएका छन्।
Discussion about this post