विशेष अनलाइन । जौन योञ्जन निर्देशित चलचित्र ‘आँखा’को ट्रेलर सार्वजनिक भएको छ । आइतबार चलचित्रको दुई मिनेट ३४ सेकेण्ड लामो ट्रेलर युट्युब मार्फत सार्वजानिक गरिएको हो । चलचित्रको टिजरले काठमाडौंको नदी किनारमा बसोबास गर्ने सुकुम्बासीको सुखदुःख र संघर्षको कथालाइ दर्शाएको छ ।
ट्रेलरले चकचित्रको कथावस्तु, चरित्र चित्रण र द्वन्द्वबारे देखएको छ । अपहेलित बनाइएका पात्रले जीविकोपार्जनका लागि गर्ने संघर्षको कथामा चलचित्र बनेको हो ।
चलचित्रको मुख्य भूमिकामा स्मिता लामिछाने र आरके मेहता रहेका छन् । चलचित्रमा दुई पात्रले दम्पतीको भूमिका निर्वाह गरेका छन् । निशा अधिकारी, पशुपति राई, बुद्धि तामाङ, विजय बराल, प्रवीण खतिवडा, राजन खतिवडा, अभय बराल, सरोज खनाल, लुनिभा तुलाधर, कृष्णभक्त महर्जन लगायत कलाकारको अभिनय गरेको छ ।
चलचित्र ‘आँखा’ असोज ११ गतेबाट प्रदर्शन हुने तयारीमा छ ।
Discussion about this post