विशेष अनलाइन । शुक्रबारबाट सार्वजनिक प्रदर्शनमा आउन लागेको चलचित्र ‘रावायण’को गीत सार्वजनिक भएको छ । सोमबार चलचित्रको ‘करेजा निकरी’ बोलको गित युट्युब च्यानल मार्फत सार्वजानिक गरिएको हो ।गीतमा निकितालाई निकै ग्ल्यामर लुक्समा देखाइएको छ । कलाकार प्रकाशको तराईं मूलको गेटअप आकर्षक देखिएको छ ।
चलचित्रको गितमा सोनु कक्कर र समिर चौरासियाको स्वर, प्रदीप श्रीवास्तवको शब्द रहेको छ । रेवन आरती सिंहको संगीत रहेको गीतमा पल शाह, प्रकाश शाह, कैलाश रावल र निकिता चण्डकको नृत्य रहेको छ । विक्रम स्वारको कोरियोग्राफी रहेको गीतमा सुनिता श्रेष्ठको कष्ट्युम रहेको छ । गीत भारतको मुम्बई स्थित कैलाश स्टुडियोमा रेकर्ड गरिएको हो ।
चलचित्रमा पल शाह, पूजा शर्मा, प्रियंका कार्की, प्रमोद अग्रहरी, निकीता चण्डक, प्रकाश शाह, कैलाश रावल, अर्जुनजंग शाही, शर्मिला मल्ल, प्रदीप ढकाल, कैलाश रावल, अनिल कुर्मी, रजिता पराजुली, निमा पाण्डे, विशाल पहारी, सुशान्तकुमार श्रेष्ठ, योगेश भण्डारी, प्रेरणा गिरी र सुहान श्रेष्ठ लगाएत कलाकारहरुको अभिनय रहेको छ ।
सुदर्शन थापा प्रोडक्शन र पूजा शर्मा प्रोडक्शनको संयुक्त व्यानरमा बनेको फिल्मकी निर्माता पूजा शर्मा हुन् । चलचित्रमा सुशन पाठक कार्यकारी निर्माता छन् । चलचित्रमा सुदर्शन थापाको कथा, शिवम अधिकारीको लेखन रहेको छ । चलचित्रमा प्रदीप श्रीवास्तव र राज गौरवको ओरिजिनल हिन्दी स्क्रिप्ट, सौरभ लामाको छायांकन, मिलन श्रेष्ठको सम्पाद रहेको छ ।
चलचित्रको वितरण आरआर फिल्मसले गर्ने भएको छ । डिजिटल पार्टनरको रूपमा ओएसआर डिजिटल रहेको छ ।
Discussion about this post