विशेष अनलाइन । यही साउन ३२ गतेदेखि प्रदर्शन आउन लागेको चलचित्र ‘बुलाँकी’ को नयाँ गीत सार्वजनिक भएको छ । ‘रातले कुर्या चन्द्रमा’ बोल्को नयाँ गीत सोमबार सार्वजनिक गरिएको हो । गीतमा अभिनेत्री सुरक्षा पन्त र अभिनेता बिराज विष्ट फिचर्ड रहेका छन् । चलचित्रको यस गीतमा बाबुल गिरीको सङ्गीत , करण परियार र अन्नु चौधरीको आवज रहेको छ ।
अभिनेत्री सुरक्षा पन्त, अभिनेता नरेन खड्का, बिराज विष्ट र नव कलाकार सरस्वती खत्री चलचित्रको मुख्य भूमिकामा रहेका छन्। लक्ष्मी गिरी, सुशील पोखरेल, रमेश बुढाथोकी, कुलद्विप अधिकारी, झलनाथ खत्री, उपासना नेम्वाङ, लक्ष्मण देवकोटा, विनयराज पौडेल र सोनु सेढाइ लगायतका कलाकारहरूको अभिनय रहेको छ ।
यस चलचित्र छत्रेश्वरी म्यानेजमेन्ट प्रालीको ब्यानरमा निर्माण भएको हो , चलचित्र राजबहादुर सानेको कथा रहेको चलचित्र ‘बुलाँकी’ लक्ष्मण सुनार निर्देशनका हुन् । यस चलचित्रमा शिव ढकालको छायाङ्कन रहेको छ।
Discussion about this post