बिशेष अनलाइन । आज शुक्रबारबाट देशभर चलचित्र ‘बाटो स् रोड टु डेथ’ प्रदर्शनमा आएको छ । चलचित्रले एकल प्रदर्शन अवसर पाएकोले ब्यवसायीक सफलता प्राप्त गर्न्ने अपेक्षा निर्माण टिमले गरेको छ ।
चलचित्र नेपाली, तमिल, तेलुगु तथा हिन्दी गरी विभिन्न चार भाषामा तयार भएको हो । चलचित्रका लेखक, सम्पादक तथा निर्देशक मदन थापा हुन् । चलचित्रले सार्वजनिक प्रदर्शनबाट दर्शकबाट राम्रो प्रतिक्रिया पाउनेमा आफू ढुक्क रहेको निर्देशक थापाले बताएका छन् । चलचित्र दर्शकको रुचि ध्यानमा राखेर निर्माण गरिएको हो, निर्देशक थापाले भने ।
काठमाडौँ फिल्मसको ब्यानरमा बनेको यो चलचित्रका निर्माता चन्दन झा हुन् । चलचित्रलाई दक्षिण भारतीय फिल्म उद्योगका छायांकार शरण ऋषिले छायाङ्कन गरेका छन् । चलचित्रको लाइन प्रोड्युसरमा शंकर कार्की, प्रकाश हमाल र दिनेश प्रकाश महरा हुन्, भने कार्यकारी निर्मातामा रणधीर कुमार झा, अश्विनी घिमिरे, सदीक्षा महर्जन, नवीन अवाल, आकांक्षा बस्नेत तथा विशाखा विक्रम थापा रहेका छन् । सह निर्माताहरूमा विक्रम चौधरी, आशिम मैनाली, टोनी हरजानी, शालिनी पोद्दार, नम्रता जीआर राउत तथा स्मृति झा छन् ।
सस्पेन्स तथा थ्रिलर जनराको चलचित्रमा मिथिला शर्मा, सुलक्षण भारती, रक्षा थापा, उत्पल झा, पशुपति राई, किरण शाही, गणेश उपाध्याय, आभास अधिकारी, राजेन थापा, विजय आनन्द ताम्राकार, आशान्त शर्मालगायत कलाकारको अभिनय छ ।
Discussion about this post