विशेष अनलाइन । मह जोडीको महसञ्चार र दीपक दीपाकोआमा सरस्वती मुभिजको संयुक्त निर्माणमा चलचित्र बन्ने भएको छ। चलचित्र निर्माण गर्ने विषयमा दुबै पक्ष सहमत भएको बताइएको छ ।
नेपाली परिवेशको कथालाई कमेडीमा रुपान्तरण गर्दै निकट भविष्यमै चलचित्र निर्माण गरिने निर्माता तथा कलाकार दीपकराज गिरीले जानकारी दिए । हामी जतिसक्दो चाँडो चलचित्रका लागि जुट्नेछौं,’ दीपकले भने ।
सहकार्यमा बन्ने चलचित्रको शिर्ष भुमिकामा पनि हरिवंश र दीपक नै रहने बताइएको छ । दीपकका अनुसार यो चलचित्रलाई ब्यानर बाहिरका निर्देशकले निर्देशन गर्ने पक्का भए पनि कस्ले गर्दैछन् भन्ने विषयमा भने निर्णय गर्न बाँकी नै छ।
दीपक यतिबेला ‘छक्कापञ्जा ५’ निर्माणको अन्तिम तयारीमा छन् । यता हरिवंश अभिनित चलचित्र ‘महाजात्रा’ चैत ९ मा रिलिज तयारीमा छ ।
Discussion about this post