मध्यपूर्वका पाच दर्जन पर्दामा ‘दुई नम्बरी’

बिकल श्रेष्ठ । युएई कतार बहराइन र ओमानका  विभिन्न फिलिमहरूमा अक्टोबर २० तारिक नेपाली चलचित्र ‘दुई नम्बरी’ एकसाथ पर्दशन हुने भएको छ ।

रोजगारीको सिलसिलामा मध्यपूर्वमा रहेका  नेपाली चलचित्रप्रेमीलाई लक्षित गर्दै मुख्य-मुख्य शहरमा बिभिन्न पाच  दर्जन पर्दामा नेपाली कथानक चलचित्र ‘दुई नम्बरी’ एकैसाथ प्रदर्शन हुने रमेश ढकालले जानकारी दिएका छन | चलचित्र ‘दुई नम्बरी’  मध्यपूर्वका देशमा चलचित्र  वितरण रमेश ढकाल गरिरहेका छन|

नेपालमा ‘दुई नम्बरी’  चलचित्र गत हप्तादेखि अपार सफलताका साथ पर्दशन भई रहेको छ |

‘छ माया छपक्कै’ फ्रेम्ड निर्देशक दीपेन्द्र लामाको लेखन तथा निर्देशनमा तयार भएको ‘दुई नम्बरी’मा दयाहाङ र सौगातका साथै अभिनेत्री उपासना सिंह ठकुरी, भुटानी अभिनेत्री उगेन छोदेन, अभिनेता बुद्धि तामाङ मुख्य भूमिकामा छन् ।

किरण नेपाली प्रस्तुतकर्ता रहेको चलचित्रमा सरोज नेपाली कार्यकारी निर्माता छन् । मिठु तामाङ्नी सह–निर्माताको रूपमा रहेको चलचित्रको निर्माता दीपक मनाङ्गे, अमलादेवी राई र जयश श्रेष्ठ हुन् । दशैंको टीकाको दुई दिनपछि प्रदर्शनमा आउने चलचित्रलाई सुशन प्रजापतिले छायाँकन एवं निमेश श्रेष्ठले सम्पादन गरेका हुन् । चलचित्रको वितरणको जिम्मा नेपालमा  आर आर फिल्म्सले लिएको छ।