बिशेष अनलाइन । काठमाण्डौ भन्दा बाहिर चलचित्र गतिविधि भइरहने क्षेत्रहरुमध्यको एक हो प्रदेश १ । याहा बिभिन्न चलचित्र गतिविधि गर्नका लागि चलचित्रकर्मी महासंघ सकृय रहेको छ । यसै बिच महासंघकै सकृयतामा चलचित्र ‘अभियान’को पोस्टर, ट्रेलर र एक गीत सार्बजनिक गरिएको छ । चलचित्रकर्मी महासंघ प्रदेश १ का उपाध्यक्ष समेत रहेका निर्देशक लाखमान योञ्जनको निर्देशनमा निर्माण भएको चलचित्र ‘अभियान’मा तामाङ ऎतिहासिक थाकथलो ‘किपट’ को कथा प्रस्तुत गरिएको छ ।
२ मिनेट २९ सेकेन्ड लामो ट्रेलरलाई ओएसआर डिजिटलबाट सार्बजनिक गरिएको हो । इटहरीमा चलचित्र अध्यापान हुने एकमात्र स्कुल पुर्वान्चल ईन्स्टिच्युट अफ फिल्म एण्ड टेलिभिजनमा आयोजना गरिएको ट्रेलर रिलिज कार्यक्रममा चलचित्रका टिम सहित प्रदेश १ का बिभिन्न कलाकर्मीको उपस्थिति रहेको थियो । कार्यक्रम चलचित्रकर्मी महासंघ प्रदेश १ का अध्यक्ष अरुण कुमार प्रधानको प्रमुख आतिथ्यतामा सम्पन्न भएको हो । चलचित्र करिव ५५ लाख लागतमा निर्माण भएको निर्देशक योञ्जनको भनाइ छ । चलचित्रमा स्व।जयनन्द लामाको समेत प्रमुख भुमिका रहेको छ ।
कोशी भिजन फिल्म्सको ब्यानरमा बनेको चलचित्रकी निर्माता मैना घिसिङ हुन् । चलचित्रको ट्रेलर सार्बजनिक गरिए पनि प्रदर्शन मिति भने तय भएको छैन । प्रदर्शनको लागि उपयुक्त मितिको पर्खाई रहेको र चाडै नै सो मिति पनि घोषणा गर्ने बताइएको छ ।
चलचित्रमा स्व. जयनन्द लामासँगै रितेश जंग खत्री, दिनेश कोइराला,अमर पाख्रीन तामाङ, पुजा तामाङ,दिनेश तामाङ, दावा फिन्जो तामाङ, श्याम माया तामाङ, रश्मिला वाइवा तामाङ, सन्तोष सराकार, मदन राई, सम्भु योन्जन तामाङ, गजम घिसिङ, कमल राई, मेनुका राई, कुमारी लिम्बू, कृष्ण काफ्ले, सन्तोष राई, नुनु बोम्जन तामाङ लगायतका कलाकारहरूको अभिनय रहेको छ ।
हास्य कलाकारका रुपमा दर्शकमाझ लोकपृय बनेका स्व. जयनन्द लामालाई यस चलचित्रमा फरक भुमिकामा प्रस्तुत गरिएको छ । यता सधै सकारात्मक भुमिकामा प्रस्तुत हुने कलाकार दिनेश कोइरालालाई पनि यस चलचित्रमा भिलेनका रुपमा देख्न पाइने छ । कलाकार भए पछि जस्तो अभिनयलाई पनि न्याय दिन सक्नुपर्छ भन्ने मान्यताका साथ आफुले उक्त भुमिका निर्वाह गरेको कोइरालाको भनाइ छ । उनले उक्त भुमिकालाई न्याय गर्ने भरपुर प्रयास गरेको बताएका छन् ।
कलाकार रितेश जंग खत्रीले पनि चलचित्रमा जोडदार अभिनय प्रस्तुत गरेका छन् । बिशेष अनलाइनसँग कुरा गर्दै कलाकार खत्रीले आफुले पाएको भुमिकालाई न्यय गर्न सक्नुनै कलाकारको धर्म भएको उल्लेख गरे । आफ्नो स्वास्थ्यमा आएको समस्याका कारण कार्यक्रममा उपस्थित हुन नसकेको बताउदै कलाकार खत्रीले चलचित्र निर्माण युनिट तथा चलचित्रमा अभिनय गर्ने सम्पुर्ण कलाकारहरुलाई सम्झिएका थिए ।
चलचित्रमा २ ओटा गीत समावेश गरिएको छ । जसको शब्दहरू पनि निर्देशक लामाले नै लेखेका हुन् भने गीतमा दिपा लामा, जोनि तामाङ, सुरज रौनियार स्वर रहेको छ । संगीत तथा एरेन्ज कुन्दन राई र जोनि तामाङले गरेका छन् । राजेश लेप्चाको द्वन्द्व निर्देशन रहेको चलचित्रलाई सुमन तामाङले छायांकन गरेका हुन् । कोशी भिजनमै पोस्ट प्रोडक्सन गरिएको चलचित्र ‘अभियान’लाई हेमन तामाङले सम्पादन गरेका हुन् ।
Discussion about this post