धुर्मुस सुन्तलीको ‘म त मर्छु कि क्या हो’प्रदर्शनमा आउदै

बिशेष अनलाइन । अभिनय यात्रालाई केही समयका लागि पुर्णबिराम लगाउदै सामाजिक कार्यमा सकृय रहेका जोडी सीताराम कट्टेल ‘धुर्मुस’ र कुञ्जना घिमिरे ‘सुन्तली’ले निर्माण गरेको चलचित्र ‘म त मर्छु कि क्या हो’ को अफिसियल ट्रेलर रिलिज गरिएको छ ।

‘म त मर्छु कि क्या हो’ हास्य टेलिश्रिंखला मेरीबास्सै मा अभिनय गर्दाको धुर्मुसको चर्चित सम्वाद हो । यो सम्वादलाई नेपाली दर्शकले रुचाएका थिए । ‘म त मर्छु कि क्या हो’ चलचित्रमा पनि उनीहरुलाई धुर्मुस सुन्तलीकै गेटअपमा देख्न सकिन्छ। धुर्मुस सुन्तली कै लेखन तथा निर्देशनमा तयार भएको चलचित्रमा बुद्धि तामाङ, विजय बराल, रवि गिरी, पल्पसा डंगोल सुमन कार्की लगायतका को अभिनय छ ।

चलिचत्र ‘म त मर्छु कि क्या हो’ ‘ओ हो मूभि’ नामक ओटीट प्लेटफर्म मार्फत भदौ ११ गते रिलिज गर्ने तय गरिएको छ । चलचित्र प्रदर्शनबाट संकलित रकमलाई भरतपुरमा निर्माण भैरहेको गौतमबुद्ध अन्तर्राष्ट्रिय रंगशालामा च्यारिटी गरिने धुर्मुसले जानकारी दिएका छन् ।