विशेष अनलिइन । राजन भुसालले निर्देशन गरेको चलचित्र ‘एक्टरः टेक वन’ को नयाँ पोस्टर सार्वजनिक गरिएको छ । निर्माता थमन कुमार भण्डारीले पोस्टर सार्वजनिक गर्दै चलचित्रको आधिकारिक प्रचार प्रसार सुरु गरिएको बताएका छन् ।
पोस्टरमा चलचित्रका मुख्य कलाकार प्रदीप खड्का, आना शर्मा र दिव्या रायमाझी देखिएका छन् । पोस्टरमा प्रदीपलाई आना र दिव्याको बिचमा राखिएको छ, भने अन्य दुई पोस्टरमा अभिनेत्रीहरू आना र दिव्यालाई प्रदीपसँग प्रेम भावमा प्रस्तुत गरिएको छ ।
कार्तिक १५ (लक्ष्मी पूजा)को दिन बाट सार्वजनिक प्रदर्शनमा आउने चलचित्रम प्रदीप, आना र दिव्या सहित राजबल्लभ कोइराला, दिव्य देव, उषा रजक र सुशील सिटौला लगायत कलाकारहरुको अभिनय रहेको छ ।
अदृत फिल्मस् र मोती फिल्मस्को संयुक्त प्रस्तुति रहेको चलचित्रको निर्माता थमन कुमार भण्डारी हुन् । अनिश भुसाल सह–निर्माता र क्रिएटिभ प्रोड्युसर मोती कार्की हुन् । आकाश बराल र राजन भुसालले चलचित्र संयुक्त रूपमा लेखेका हुन् ।
चलचित्रमा नरेन्द्र मैनालीको छायाङ्कनर निमेश श्रेष्ठको सम्पादन रहेको छ । चलचित्रमा हर्कुलस बस्नेत, रोहित शाक्य र एलिस कार्कीको सङ्गीत छ । शिशिर खाती र किरण थापाको कोरियोग्राफी रहेको चलचित्रमा अष्ट महर्जनको द्वन्द्व छ ।
Discussion about this post