विशेष अनलाइन । दीपाश्री निरौला निर्देशित चलचित्र ‘छक्कापञ्जा ५’ र टिभी रियालिटी शो ‘कमेडी च्याम्पियन’का कलाकारले एउटै मञ्चमा हास्य व्यंग्य प्रस्तुति दिने भएका छन् । प्रतीक्षित नेपाली चलचित्र ‘छक्कापञ्जा ५’ प्रचारका लागि ‘रोस्टिङ ब्याटल’ आयोजना हुने भएको हो ।
अगामी २० गते राष्ट्रिय नाचघर जमलमा आयोजना हुने यो कार्यक्रमलाई अहिलेसम्मकै ठुलो रोस्टिङ ब्याटल भनिएको छ । कार्यक्रमबारे कमेडी च्याम्पियनका निर्देशक विशाल भण्डारी भन्छन् , ‘नेपालमा अहिलेसम्म नभएको तर बाहिर लोकप्रिय रहेको रोस्टिङ ब्याटल गर्ने प्रस्तावलाई उहाँहरूले स्वीकार्नु भएपछि कार्यक्रम हुन लागेको हो ।’
कमेडी च्याम्पियन आयोजक रहेको कार्यक्रममा ‘छक्कापञ्जा’बाट कलाकार दीपकराज गिरी, दीपाश्री निरौला, केदार घिमिरे र वर्षा शिवाकोटी र कमेडी च्याम्पियनका भरतमणि पौडेल, सुमन कार्की, सुमन कोइराला, मेक्सम गौडेल, कैलाश कार्की, सन्तोष थापा, सजन श्रेष्ठ, प्रभात लामा, सुनिल खड्का र ऋषभ काफ्ले सहभागी हुनेछन् । चलचित्र दशै फुलपाति वाट सार्वजानिक प्रदर्शन गर्ने भएको छ ।
Discussion about this post